全新酒店式⾃助餐「The Palate柏麗廳」今年二月正式係沙⽥帝都酒店開幕🥳依家佢哋做緊限時65折優惠，好抵食呀！ 餐廳設計加入不少植物元素🌿，配色以珊瑚粉紅、薄荷綠同金色為主，優雅舒適。❤️整體係非常令人驚喜嘅自助餐，充滿各種亮點，選用嘅食材都係新鮮又高級，好易就食到回本！😍冰鎮海鮮區種類好豐富，有即開生蠔🦪、龍蝦🦞、熟蝦🦐、青口、長腳蟹🦀、翡翠螺及蜆。鮮味十足，品嚐到最純粹嘅海鮮風味，特別鐘意龍蝦啖啖肉。 🍣有多款壽司剌身，刺身都係厚切，肉質肥美，有好大隻嘅甜蝦🦐，有唔少蝦膏添。 另一個必食推薦就係和牛區🥩。餐廳用飛驒牛做出鐵板燒、慢烤鹽麴燒及火炙和牛壽司，仲有美國極黑和牛壽喜燒。全部都係即煮，牛肉🥓牛味香濃，入口軟嫩滋味，可以任食咁高質嘅和牛真係好滿足！🤤 前菜類除咗有沙律🥗，仲有煙三文魚、各種酥皮撻🥧例如吞拿魚撻、碎蛋撻等，賣相精緻，質素比得上平時酒店afternoon tea嘅鹹點，依家仲係任食添~🥣湯品有忌廉粟米酥皮湯及茶樹菇螺頭湯都好受歡迎，一出爐就好快拎晒，味道足料好飲。🥘🍲熟食類都有唔少選擇，例如北京片皮鴨、天婦羅、蒸扇貝、香蔥炒蟹鉗、酸菜魚、紅油抄手、蒸魚蒸蝦、咖喱雞、卡邦尼意粉、冬菇炆小棠菜等等。 飲品方面，除咗有基本茶、咖啡、果汁外，亦有紅白酒🍷、香檳🥂、，清酒🍶任飲。另外仲設有即製Cocktail及Mocktail😍兩款都香甜清新，忍唔住要續杯🍹。 甜品款式超過50種，真係花多眼亂。有原個蛋糕🎂、鮮果撻、件裝甜品🧁、提拉米蘇、糯米糍、布甸、豆腐花、不同口味奶凍🥛等等。另一邊亦有即製蛋白疏乎厘、即製法式可麗餅、多款口味嘅haagen-dazs雪糕🍨。 不得不讚即製心太軟🍫有畫碟服務，只要係心意紙寫底留言，職員就會用糖漿及朱古力醬幫你寫係碟上，將心意傳遞比對方🥰～ 如果四人同行包括當月壽星，提早預訂就可獲贈火焰雪⼭一客添，啱晒打卡～❤️整體食物種類、味道我都覺得好出色，絕對感受到個份烹製嘅用心🫶🏻，平日夜晚可以食足四個鐘添。我全晚最為難係樣樣都想食，但個肚有限試唔晒咁多呀🥹🥹有機會想帶屋企人再嚟食多次！ @thepalatebuffethk———————————————————————————The Palate Buffet 柏麗廳地址：沙田白鶴汀街8號帝都酒店3樓電話：2633 1288———————————————————————————歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#ThePalate柏麗廳 #沙田自助餐 #沙田新城市 #沙田美食 #自助餐 #任食 #任飲任食 #和牛 #刺身 #甜品 #海鮮 #香港餐廳 #香港美食 #hkfoodie #foodiehk #hkblogger #hkrestaurant #restauranthk #香港好去處 #食評 #相機食先 #吃貨 #美食日記 #吃貨人生 #打卡 #美食推薦 #hklifestyleblogger #hklifestyle #hkfoodlover #hkfoodblogger
