放假除咗去旅行,其實香港本地都有唔少特色景點值得到訪~ 前排我就第一次去天際100香港觀景台 - Sky100🩵Sky100 位於全港最高大廈環球貿易廣場(ICC) 100樓,高達海拔393米☁️,可以360度欣賞香港全景同埋維港景致🏙️。 雖然係其他國家旅行都睇過人哋嘅觀景台,但第一次係香港高空望住天際線時,內心有種莫名感動,可能係自己成長嘅地方,份觸動感更深刻🫢💕 難得係咁高空望住香港靚景,當然要係Café 100 好chill咁享受個午餐☺️✨Café 100 by The Ritz-Carlton 靈感嚟自法國露天咖啡店,營造一種休閒舒適嘅氛圍。主要提供一系列精緻輕食,咖啡、自家製飲品、酒類飲品等。 🧇甜吻之醇 $128蜂蜜黑茶窩夫配上芒果、椰子碎、北海道牛乳雪糕。窩夫🧇上枱時係溫熱,外脆內軟。配上好清甜嘅芒果,個香甜味再提升咗。雪糕牛奶味非常濃郁,同窩夫一齊食,冷熱交替咁,好好味🤤 🥪鳳鳴朝陽 $118依款係烤雞意大利三文治,配上烤胡桃南瓜及朝鮮薊蒜泥蛋黃醬。三文治外層焗到香脆,上枱時熱辣辣,香氣撲鼻。雞肉帶少許香烤味,加上南瓜嘅天然甜味,好清新美味嘅組合😋 🥪綠野仙踪 $108依款係啡菇意大利三文治,將大啡菇烤熟但仍保留水份,配上秋日松露蘑菇醬,雙重享受菇嘅香氣,加上瑞士芝士帶陣陣鹹香,唔使過多食材已經夠香又好食😋 ☕️泡沫咖啡 $55面層印有Cafe 100字樣,打卡幾靚~咖啡味道幾濃郁,泡沫綿密,我影咗好耐相泡沫都仲keep到🤣 ☕️鮮奶咖啡 $55牛奶同咖啡比例啱啱好,有咖啡嘅醇厚,又有牛奶嘅香滑,味道好平衡。@sky100hk ———————————————————————————📍天際100觀景台地址:香港九龍柯士甸道西1號環球貿易廣場100樓——————————————————————————— 歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#天際100 #天際100觀景台 #sky100 #cafe100 #天際線 #skyline #hkskyline #skylover #打卡 #打卡景點 #假期好去處 #香港好去處 #放假好去處 #香港旅行 #hkholiday #holiday #香港打卡 #下午茶 #香港景點 #觀景台 #情侶好去處 #親子好去處 #hkblogger #hkfoodie #hkgirl #hkkol #hklifestyle #hklifestyleblogger #lifestyleblogger #chill