冬天真係太適合食羊腩煲!😍今次係九龍城試咗依間✨等等HEA✨嘅羊腩煲放題,仲有任食雞煲同豬手煲,都係$399 買一送一,一個人都係$199 超抵食!點擊圖片放大 +2 店舖唔算大間,勝在放題可以一次過享用三款煲物,性價比好唔錯!店員都好親切,會推薦介紹唔同菜式,食得幾開心~🫶🏻 🍲秘製古早羊腩煲羊腩嫩滑香濃,羊肉肉質彈牙,唔會有羶,配料都好食,腐皮同冬菇都入味,配上台灣江記豆腐乳,更提升香氣,食到個人暖笠笠☺️ 🥘台式香辣雞煲秘製麻辣醬香味突出,好惹味,辣辣地。雞肉乾炒到好入味,配洋蔥同指天椒,好正! 🥘台式南乳豬手煲豬手肉同豬皮分怖均勻爽口,膠質豐富。用上台灣南乳製作,香中帶甜。 🍗士林鹽酥雞雞塊炸到外脆內軟,配上芝士醬,好濃香。 🍜阿宗麵線 (配阿宗辣椒醬)麵線滑溜,配上辣椒醬真係特別香辣美味,好開胃。 🥓🥬另外仲有得無限追加美國肥牛、水餃、花枝丸、貢丸、蔬菜等。種類都唔少,食到好滿足。 🥣豆腐花仙草芋圓唔會太甜,豆腐花好滑好清新,唔錯! 🧋🍹飲品 加$28任飲Follow店舖IG再轉發文,有得送免費暢飲添~有各種台式珍珠飲品、果茶、養生茶、汽水同啤酒。 ———————————————————————————📍 等等HEA地址:九龍城福佬村道41號地舖———————————————————————————歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#等等hea #九龍城 #九龍城美食 #台式 #放題 #大餐 #hkrestaurant #restauranthk #香港餐廳 #香港美食 #相機食先 #吃貨 #吃貨日記 #美食日記 #食評 #美食推介 #foodiehk #hkfoodie #hkblogger #hklifestyleblogger #hklifestyle #hkfoodlover #hkfoodblogger #restaurantreview