近來係西營盤搵到集合我鐘意嘅三間美食品牌店舖,一次過食到🍕Pizza (Ciao Chow Pizzaia)、🍔Burger (TripleO’s)、🍨Frozen yogurt (Yo Ma Ma),太令人滿足啦! 🌟Ciao Chow Pizzaia如果對拿坡里披薩有研究嘅,Ciao Chow Pizzaia就係香港唯一獲得 AVPN 認證嘅拿坡里pizza🍕要拎到依個認證並唔容易,要拎到依個認證要嚴格按照規定嘅製作過程嚟整pizza,焗出嚟嘅pizza都要合乎規格。 🍕無肉不歡薄餅 $158 (炸蒜 +$8)薄餅底經過72小時發酵,配料有番茄、水牛芝士、火腿、辣肉腸、和牛碎、巴馬臣芝士,追加咗炸蒜。Pizza 鋪滿肉類,難怪叫meat lover😆薄餅皮唔會太厚,帶香脆口感,配上豐富配料,味道香濃。炸蒜嘅蒜香味唔會太濃,所以唔怕蓋咗其他食材,而且更加添酥脆口感。好食,食得好開心😋睇住朋友一塊接一塊咁食,滋味又唔怕會好膩,無諗過兩個人都食得晒,好誇張!🤣 🌟TripleO’s一向都幾鐘意食TripleO’s,試過佢唔同款嘅burger,今次揀返我最鐘意嘅蘑菇口味。 🍔蘑菇牛肉漢堡 $76 (Combo +$30)食第一啖我個心就溶化💗成個burger熱辣辣,和牛綿軟滑溜,好多汁。蘑菇份量不少,炒到好香。加埋自家有名嘅TripleO’s 醬汁,整體味道好夾,一啖接一啖,好好食🤤 🍟薯條粗薯條唔算好脆身,薯仔香味突出,幾飽肚。 🍫朱古力奶昔 +$24好夠甜又夠奶香味。🌟Yo Ma Ma必食有名嘅Frozen yogurt,除咗有原味仲有薄荷口味可以揀。今次我就食返最經典嘅原味乳酪~ 🍨乳酪雪糕配士多啤梨及芒果有濃郁乳酪香味,酸酸甜甜,比一般雪糕更清爽開胃,無咁大負擔。我揀咗士多啤梨同芒果做配料,水果好鮮甜,令人滿足嘅甜品。 @ciaochow.hk @tripleosrestaurant @yomamafroyohk———————————————————————————📍Ciao Chow地址:西環西營盤西邊街35號蔚峰地下1-2號舖———————————————————————————歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#ciaochow #pizza #pizzalover #pizzeria #tripleo #burgershop #burger #burgerlover #yomama #frozenyogurt #frozenyogurtlover #推薦 #hkrestaurant #takeawayfood #香港好去處 #香港美食 #相機食先 #吃貨 #吃貨日記 #美食日記 #食評 #美食推介 #foodiehk #hkfoodie #hkblogger #hklifestyleblogger #hklifestyle #hkfoodlover #hkfoodphotography #hkfoodblogger