係元朗發現依間新開無耐,專營火鍋串燒食材專門店✨Dabinlo✨。 一站式有齊過百款火鍋、串燒食材。好特別係店舖設有自助堂食區,選購完食材可以直接係堂食區煮食,非常方便🫢 堂食區環境都幾寬落,有火鍋爐、燒烤爐,仲有醬料提供 (BBQ岩鹽、韓式燒烤汁、日式燒肉汁 及 泰式醬)。最欣賞係食材、飲品價錢都好親民,堂食亦無額外收費,無限時,係一個幾新穎嘅體驗,整體性價比好高!😍👍🏻 食物方面,食材整體新鮮,有質素。包裝上會簡單講最推薦嘅烹調方法,例如加鹽、胡椒、或者燒汁之類,簡單易明。而且店內職員會主動教你點樣整、點樣調味最好食,好nice。見我買到一枱食物就知幾好食,我食得幾開心🤣 ✨串燒類✨🍢雞軟骨丸串(4串) $35魷魚鬚串(4串) $38明太子雞翼(2串) $28三文魚腩串(4串) $38雞翼串(4串) $20日本芝士年糕(2粒) $20 💗串燒真係深得我心,雞軟骨丸脆口彈牙,三文魚腩燒到又香又脆,芝士年糕外脆內軟,配搭香濃芝士,好正! ✨火鍋類✨🍲辛辣鮮蕃茄濃湯(1000ml) $68美國Prime牛板腱(約150g) $58歐洲羊肉片(約150g) $48極級牛脷芯(約150g) $68台灣特級芋蓉貢丸(5粒) $18台灣滷水牛筋丸(5粒) $18自家製手打滋味墨魚滑(約120g) $58自家製西班牙豚肉韭菜餃(6隻) $29日本烏冬 $10娃娃菜(約250g) $12唐生菜(約150g) $12香脆魚皮(50g) $18 💗超鐘意依個帶微辣嘅蕃茄湯底,加上好多蕃茄蓉,非常真材實料,就算食到最後不斷加水,蕃茄味依然濃郁😋 💗牛板腱幾有牛香味,帶點咬口爽口。牛脷芯薄切,入口溶化。芋蓉貢丸好好食,芋蓉餡料香甜軟糍。牛筋丸彈牙結實。墨魚滑幾特別,新鮮又彈牙。韭菜餃夠皮薄,試埋燒烤咁煮,外脆內軟更好食。 值得一提係,餐廳區設有膠箱回收包裝,鼓勵客人分類卡套及塑膠盒作回收,響應環保♻️ @dabinlo_ig———————————————————————————📍Dabinlo 地址:元朗安寧路 38號世宙第三座地下23號舖———————————————————————————歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#Dabinio #火鍋 #串燒 #元朗 #元朗美食 #hkrestaurant #restauranthk #香港餐廳 #香港美食 #相機食先 #食物拍攝 #吃貨 #吃貨日記 #美食日記 #食評 #美食推介 #foodiehk #hkfoodie #hkblogger #hklifestyleblogger #hklifestyle #hkfoodphotography #hkfoodlover #hkfoodblogger #restaurantreview