香港好少食到正宗荷蘭菜🇳🇱，所以今次係 The Dutch House Restaurant 就好比到驚喜我，原來荷蘭菜咁好食😍 餐廳環境優雅有格調，正中間嘅水晶好夢幻，裝修華麗。望住城市景色用餐好有氣氛～🌃 餐廳主廚Armand係荷蘭華僑，以前係荷蘭屋企人都有米之蓮認可餐廳。每道菜式都感受到主廚嘅用心💗，讓客人可品嚐到佢荷蘭家鄉嘅特色風味。🍢荷蘭小食拼盤：有炸肉丸、蟹肉撻及橡木煙燻野生鰻魚。炸肉丸外脆內軟，蟹肉撻鮮味十足，鰻魚唔會過度調味，配上蔬菜好清新開胃。 🥖🦪蒜蓉拖鞋麵包、傳統青口鍋：麵包香脆，陣陣蒜蓉香氣，點青口汁食一流。青口係荷蘭空運到港，每粒青口都肥嘟嘟，肉質鮮甜肥美，好食😋 🫛荷蘭豌豆濃湯：味道香濃特別嘅湯，有腸仔、煙肉、薯仔及一些蔬菜，材料口感都好豐富，飲完個人暖笠笠，好啱依家天氣凍凍地時飲☺️ 🐟香煎荷蘭鱈魚：魚質嫩滑，魚皮煎得香口，食到魚肉天然嘅鮮香味，正！ 🥠荷蘭皇后酥皮蘑菇雞批：依個係我最鍾意，酥皮非常鬆脆，滿滿嘅蘑菇、雞肉，配上白汁，味道好夾，香濃好味，食唔停口！😍 🥩牛頸肉配芝士脆片：用牛頸部分牛味更濃郁，肉質煮到綿密，用芝士脆片代替海鹽，更添鹹香，整體味道好夾。 🥞🍨荷蘭經典小鬆餅配黑朱古力慕絲雲尼拿雪糕：小 pancake 好迷你可愛，口感鬆軟。配上香滑雲尼拿雪糕，同埋好濃郁順滑嘅黑朱古力慕絲，令人滿足嘅甜品。 今次好開心同一班靚仔靚女食飯，仲有幸坐到 #喬寶寶隔離添，又有美酒佳餚🍷，又可傾計交流，非常開心嘅聚餐🥳🥂 @dutchhousehk———————————————————————————📍The Dutch House Restaurant地址：尖沙咀廣東道116-120號海威商業中心16樓———————————————————————————歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#香港正宗荷蘭菜 #香港傳統荷蘭菜#thedutchhouserestaurant #荷蘭菜 #尖沙咀 #尖沙咀美食 #hkrestaurant #restauranthk #香港餐廳 #香港美食 #相機食先 #食物拍攝 #吃貨 #吃貨日記 #美食日記 #食評 #美食推介 #餐廳介紹 #聚餐 #foodiehk #hkfoodie #hkblogger #hkgirl #hklifestyleblogger #hklifestyle #hkfoodphotography #hkfoodlover #hkfoodblogger #restaurantreview
