係銅鑼灣食過好幾次依間✨ Milu Thai มิลู่ไทย✨ ，今次佢係尖沙咀開分店，一於再去支持下😋尖沙咀店有室外室內坐位，牆上壁畫以海洋卡通動物做主題，配色繽紛，壁畫幾可愛🦑🐙🐠。 食物質素依然非常高，份量大大份，真心覺得係我食過Top 3 最好食嘅泰式餐廳！🫶🏻 🍢小食拼盤 $188分別有炸蝦餅4件、炸魚餅4件、春卷4件、香葉包雞3件同蝦片。 蝦餅肉質彈牙，魚餅同雞塊味道香味濃郁，春卷好香脆，蝦片帶辣，蝦味好香。建議一班朋友share食，因為真係好豐富大份。 🥭芒果糯米飯 $88好少見用上一個完整芒果嘅份量😍芒果好甜🥭上枱時糯米飯係熱到冒煙，一食真係超有驚喜！😍😍第一次食依款甜品個飯係熱，個溫熱更提升咗個份椰香味。飯質煙韌，椰汁🥥帶點鹹鹹地，同芒果嘅香甜好夾，互相平衡，一啲都唔覺甜膩。好好食！！！下次一定會再點👍🏻 🐟泰式明爐烏頭魚 $208魚好大條，肉質滑嫩，食到魚肉嘅鮮味。揀咗唔辣嘅鮮檸檬肉碎，汁料酸酸地，調味剛好，好清新開胃。另外仲有青檸酸辣口味可以揀。 🍖火山排骨 - 酸辣口味 (青）$228每次都會必點嘅菜式～餐廳仲好貼心咁，有埋甜辣口味 (紅) 做選擇，食唔到辣都唔怕。肉質好嫩滑，夠晒入味。汁料酸酸辣辣，惹味又開胃，調味調到好香，唔會死鹹。 Lunch set：菠蘿雞粒炒飯 $68最欣賞係餐廳將好常見嘅泰國菜整得好到位，依款調味又係好好食。飯粒粒分明，菠蘿超甜，口感豐富。 珍多冰 +$8啫喱條爽口，配搭椰汁冰凍解膩。 ———————————————————————————📍Milu Thai มิลู่ไทย地址：尖沙咀亞士厘道24-38號天星大廈4樓———————————————————————————歡迎follow+like🌸 @yuen_yin68https://instagram.com/yuen_yin68?igshid=mgl3wgvbhyfm#miluthai #泰國菜 #尖沙咀 #尖沙咀美食 #泰式料理 #hkrestaurant #restauranthk #thaifood #thairestaurant #香港餐廳 #香港美食 #相機食先 #食物拍攝 #吃貨 #美食日記 #食評 #火山排骨 #美食推介 #食物拍攝 #foodiehk #hkfoodie #hkblogger #hklifestyleblogger #hklifestyle #hkfoodphotography #hkfoodlover #hkfoodblogger #foodphotography #restaurantreview #hkgirl #thailandfood
