今次日本旅行揀咗去福岡,鐘意福岡無東京大阪咁多人,但行街買嘢都五臟俱全,仲多咗一份悠閑感🎏旅行到咗第三日,去咗別府,由福岡搭火車去別府大約兩個鐘頭。我哋揀咗別府一間 {一泊二食温泉旅館},係當地區域算大間嘅 {美松大江亭海濱日式旅館}🏡 訂嘅時候大約$1700一晚 (2人),包早餐及晚餐,幾高性價比。房間地方寬落,旅館有露天同室內温泉♨️,室內個温泉可以開到通宵添~😝 旅館亦有家庭私人温泉可以租借,1000 yen,40分鐘。要係前台提早預約。不過私人温泉♨️嘅場所就係另一間有合作嘅旅館內,由美松旅館行過去大約2-3分鐘路程。🍱因為係一泊二食 (住一日包兩餐),我哋住咗兩日,共食咗四餐。 膳食好豐富精緻,每餐都有魚🐟,無論係魚生定煎魚😂同埋份量都幾多,食極都重有嘅感覺。晚餐 1: 早餐 1 : 晚餐 2 : 早餐 2 :點擊圖片放大 整體住宿體驗咁錯,不過唔知係咪水管老化,房間內嘅沖涼水管好臭硫黃味😖,所以兩晚我都係去咗旅館公共浴場,無係房度沖涼。旅館位置都好方便,距離別府火車站🚉大約10分鐘路程。大約6分鐘路程有大百貨公司YouMe🛍️,幾多嘢啱買,價錢比較平民,又有得退稅。個區域仲有一間大Donki同其他商店百貨,不過我就無去行到。旅館最遲嘅晚餐時間係6:30pm,我哋食完晚飯,一係就附近行吓街,一係就去浸溫泉,好悠閑嘅渡假🏖 ———————————————————————————📍美松大江亭海濱日式旅館 (シーサイドホテル美松 大江亭)地址:別府,Kitahama 3-14-17 (大分県別府市北浜3-14-17)——————————————————————————— 歡迎follow+like🌸Instagram: yuen_yin68https://instagram.com/yuen_yin68?igshid=mgl3wgvbhyfm#美松大江亭 #一泊二食 #露天 #溫泉 #温泉旅館 #別府 #別府温泉 #別府市 #日本 #旅行 #日本旅行 #日本料理 #日本美食 #旅行日記 #分享 #日式旅館 #日式料理 #beppu #japantravel #japanvacation #japantraveller #travellover #hkblogger #lifestyle #lifestyleblogger #hklifestyleblogger #travelblogger #hktravelblogger #hkfoodie #hkgirl