依排幾鐘意食印度菜,今次去咗尖沙咀有名嘅Anjappar Chettinad Indian Restaurant食正宗印度菜🥘🫓座位非常闊落,聽住音樂食嘢幾有氣氛。 整體菜式惹味香濃,睇我哋叫到成枱嘢食就知我哋食得幾滿足🤭 🧆MUTTON SUKKA VARUVAL 羊肉 $140依款炒羊肉,第一啖係覺得幾辣,食食吓係辣得幾過癮。有濃郁嘅胡椒香料,超惹味。 🍗CHICKEN'65 炸雞塊 $80炸雞味道香辣,外層帶少少脆,內層充滿肉汁,好juicy。有兩款醬汁,青醬嘅草香味較強,係乳酪加薄荷葉。紅醬係甜醬。 🥗CHICKEN GARLIC KEBAB 雞肉大蒜烤肉串 $140雞塊用蒜泥醃製,非常入味,配上大量蔬菜,炒得好香。 🥘BUTTER CHICKEN MASALA 黃油雞咖哩 $120無骨雞塊,肉質嫩滑。咖喱用黃油醬、番茄、奶油及葫蘆巴葉煮成。味道豐富香濃,辣度適中,推薦👍🏻 🥘MUTTON VARUTTHA CURRY 羊肉咖哩 $150用上椰子🥥及不同香料煮成嘅咖喱,羊肉有先炒過,所以更散發香氣,辣度相對溫和啲。 🫓GARLIC NAAN 印度大蒜烤餅 $40將發酵麵團放入用黏土造成嘅烤箱烤熟,製成烤餅。好香牛油蒜蓉味,口感鬆軟,配上咖喱好好食😋 🌯BUTTER DOSA 牛油薄煎餅 $80用發酵米漿製成嘅薄煎餅,賣相好似巨型紙卷咁,上枱好有震撼感😂質感香脆可口,食落口感輕盈。搭配唔同醬料,令佢嘅味道更豐富有層次感。超鐘意,必點👍🏻👍🏻 🍹MANGO LASSI 芒果印度奶昔 $40試過不少mango lassi,依間嘅lassi 芒果味好香濃,酸酸甜甜好開胃,味道剛剛好,質感濃稠,好好飲😋———————————————————————————📍Anjappar Chettinad Indian Restaurant地址:尖沙咀寶勒巷3-7A號萬事昌廣場2樓202號舖———————————————————————————歡迎follow+like🌸Instagram: yuen_yin68https://instagram.com/yuen_yin68?igshid=mgl3wgvbhyfm#anjapparhk #anjappar #印度餐廳 #印度料理 #印度菜 #indianrestaurant #尖沙咀美食 #尖沙咀 #咖喱 #印度咖哩 #hkrestaurant #restauranthk #香港餐廳 #香港美食 #食評 #相機食先 #食物拍攝 #吃貨 #美食推薦 #美食日記 #foodiehk #hkfoodie #hkblogger #hklifestyleblogger #hklifestyle #foodphotography #hkfoodphotography #hkfoodlover #hkfoodblogger #restaurantreview