經過左兩次依間位於太子嘅Cafe - Owens 🌿今次終於食到，好有驚喜😍 @owens_hongkong 店內以白色色調🤍，配上木系枱櫈🪵，重有一幅綠色植物打卡牆身，感覺好小清新🌿 分別叫左兩個 Lunch Set，樣樣都好想食，所以加配左小食同甜品，整體食物真係幾有誠意，非常滿足非常飽嘅一餐🤤❤️好肯定之後會再嚟食過～ ～～～～～～～～～～～～～～～～～～～～～🫕是日餐湯忌廉甘筍湯口感香滑，忌廉比例剛好，微甜幾好飲。 🦞法式蟹肉龍蝦湯 +$38 升級幾多蟹肉，味道濃郁，蟹肉海鮮味突出，值得升級試吓😋 ～～～～～～～～～～～～～～～～～～～～～🍟薯條三兄弟 +$38 追加份量真係好多🫢 有三款醬汁：明太子、黑松露 及芥末。薯條香脆，配合三款醬汁都幾香濃，各有特色，薯條控嘅我表示食得好滿足☺️ 🦪芝士焗生蠔 （2隻） +$38 追加生蠔比想像中大隻，入口即溶，口感綿軟，芝士味🧀香之餘又唔會蓋左蠔嘅鮮味，正喎！😍 ～～～～～～～～～～～～～～～～～～～～～🎃南瓜汁烤雞意大利飯 $72雞肉夠味，肉質彈牙帶少少焦香。飯收汁得比較乾身，帶南瓜甜味。味道較健康清新。 🥩紐西蘭頂級肉眼牛扒 $128牛扒幾厚身，肉質結實有咬口。熟度剛好，配上醬汁整體幾惹味。 ～～～～～～～～～～～～～～～～～～～～～ 🍰伯爵茶麻糬卷蛋 (自家製蛋糕) +$38 追加蛋糕鬆軟，帶淡淡伯爵茶香味☕️ 鐘意卷蛋唔會好甜，加上麻糬軟綿口感，好食🥰 🍫朱古力心太軟伴雪糕 +$48 追加好耐無食過咁高質素嘅心太軟！ 😍心太軟外脆內軟，一切開好多朱古力流心😍內層暖暖地唔會過熱，放咗一陣都唔會焗熟入面嘅流心，加埋雪糕，冷暖交替，超好食！！🤤 🍋檸檬撻 (自家製蛋糕)撻皮酥軟，我本身不太食檸檬撻，覺得偏酸。如果鐘意食好夠甜度同酸度嘅檸檬撻，依款不妨一試，係幾有誠意😝 ～～～～～～～～～～～～～～～～～～～～～朱古力咖啡 $42味道平衡，奶泡較粗身，甜甜朱古力嘅味道，咖啡唔太苦 海鹽焦糖鮮奶咖啡 $42奶泡細滑，少些鹹味，配上焦糖，比例剛好，鹹甜味道好夾 ～～～～～～～～～～～～～～～～～～～～～📍Owens地址：太子砵蘭街412號地舖——————————————————————————— 歡迎follow+like🌸 Instagram: yuen_yin68https://instagram.com/yuen_yin68?igshid=mgl3wgvbhyfm#Owens #太子 #太子美食 #小清新 #文青 #甜品 #hkcafe #hkcafehopping #hkrestaurant #香港餐廳 #香港cafe #香港小店 #打卡cafe #放假好去處 #香港美食 #食評 #相機食先 #食物拍攝 #吃貨 #美食推薦 #美食日記 #foodiehk #hkfoodie #hkfoodlover #hkgirl #lifestyleblogger #hklifestyleblogger #hklifestyle #foodphotography #hkfoodstagram
