係銅鑼灣路邊經過，發現依間有特色走馬燈，亮眼綠色燈箱💚嘅咖啡店 𝙆𝙧𝙚𝙢𝙖𝙧𝙤。 小店外型似小貨車，線條利落型格，令我聯想到係歐洲小巷嘅咖啡車 “尋寶”，往往係最易發掘到高質咖啡嘅地方。而依間店嘅咖啡☕️、小食 (Bagel & Cookie) 🥯都令我好有驚喜😍 如果揀即場食嘢/飲咖啡(熱)，店員會幫手將Bagel 同曲奇加熱，咖啡亦可用杯上，欣賞埋拉花。 另外，同店員傾傾吓發現原來有off menus😆，可以加錢揀更高級嘅抹茶粉🍵，例如 { 松風 } 同 { 葉室の昔 }。 之前都有研究過靚嘅抹茶粉都真係幾貴，所以知道加少少錢試到好嘢，即刻叫多杯Matcha Latte🍵，唔對比都唔覺原來不同級數嘅抹茶粉味道差咁遠🫢兩位店員都好Nice，同佢地傾計學到好多咖啡/抹茶知識，真心推薦！👍🏻～～～～～～～～～～～～～～～～～～～～～🍵 𝐌𝐚𝐭𝐜𝐡𝐚 𝐋𝐚𝐭𝐭𝐞 $𝟓𝟎 (𝐮𝐩𝐠𝐫𝐚𝐝𝐞 另加錢)餐牌上基本款嘅Matcha Latter，抹茶味道濃郁，揀左無甜非常出色，更品嚐到抹茶香味。 之後試左用另一款 upgrade 抹茶粉 { 葉室の昔 } 製作嘅，顏色上無之前嘅咁鮮綠，入口明顯無咁多抹茶青草味，口感純好多。 建議飲靚個款Matcha Latte (off menus) 前，先飲啖水清一清口腔嘅味道。初初第一啖係覺得有少少淡，當隔返多些時間後， { 葉室の昔 } 嘅Matcha Latte 係越飲越好飲，真係要細細品嚐，會飲到個種香醇、齒頰留香嘅味道✨，難怪靚嘅抹茶粉要賣咁貴！😝🍵 ～～～～～～～～～～～～～～～～～～～～～☕️ 𝐌𝐨𝐜𝐡𝐚 $𝟒𝟒第一眼覺得拉花好靚，味道香濃而不苦澀。Mocha唔容易難飲，但要好飲都唔易。依杯係難得摩卡同牛奶比例好好，唔會有一邊搶左另一邊嘅感覺，而且味道係融合嘅，口感細滑，好高質素👍🏻 ～～～～～～～～～～～～～～～～～～～～～🥜🍌花生可可香蕉蛋糕夾心貝果 $𝟑𝟖(+$𝟑𝟎 𝐝𝐫𝐢𝐧𝐤 𝐬𝐞𝐭)店員幫我將貝果加熱焗到脆口，外脆內軟，內層暖笠笠，天氣涼涼地時食，特別溫暖滿足🥰花生醬比我以為嘅更有質感，花生味都更出🥜。中間嘅香蕉蛋糕濕潤綿密，香蕉味🍌天然香濃唔係香精個種，可可層🍫亦不會太甜。 ～～～～～～～～～～～～～～～～～～～～～🍵🍓抹茶草莓夾心貝果 $𝟑𝟐 (+$𝟐𝟓 𝐝𝐫𝐢𝐧𝐤 𝐬𝐞𝐭)Cream層帶少許鹹香，似忌廉芝士嘅味道，質地比較濃厚有質感。夾心配有草莓酸甜味，帶少少果肉，相對無咁濟。抹茶味都出嘅，整體配搭幾特別，又唔會太甜。 ～～～～～～～～～～～～～～～～～～～～～🍪 𝐎𝐄𝐑𝐎 朱古力碎曲奇 $𝟒𝟖外層脆身，好香牛油味，內層好似有滿滿OERO咁，夠甜夠邪惡😆🍪 ———————————————————————————📍𝙆𝙧𝙚𝙢𝙖𝙧𝙤地址：銅鑼灣景隆街2號地舖——————————————————————————— 歡迎follow+like🌸 Instagram: yuen_yin68https://instagram.com/yuen_yin68?igshid=mgl3wgvbhyfm#Kremaro #cannongrind #銅鑼灣 #銅鑼灣美食 #hkcoffee #hkcoffershop #hkcoffeelover #coffeeshop #coffeetime #goodcoffee #coffeehopping #抹茶控 #matchalatte #抹茶拿鐵 #matchalover #香港小店 #咖啡店 #香港咖啡店 #hkbagel #hkcookies #貝果 #曲奇 #hkfoodie #foodiehk #hkfoodblogger #hkblogger #hkfoodlover #hkootd #hklifestyle #hklifestyleblogger
