店舖由90 後台灣女生主理，係好多小細節花左心思。唔識讀 ”饞” 依個字，查一查原來粵語讀 “蠶”，指貪吃、愛吃嘅意思😋 店舖以白色、淺棕色為主色調，木系設計簡潔明亮。配上黃色logo增加活潑開心氣氛💛 部分食材由店主親自挑選，台灣原裝出產，希望製作親民簡約嘅台式料理☺️店內餐具係竹製，以支持環保，亦支持身心障礙者就業～🍛香酥雞排 $62 (轉配滷肉飯加$12) 雞排我揀左椒鹽味 (另可揀麻辣同咖喱味)，外層酥脆皮薄，帶椒鹽鹹香。 搭配滷肉飯我覺得好夾 (另可揀手撕雞肉飯或台灣蓬萊米)。滷肉飯嘅豬肉半肥瘦，好入味唔錯。🍜經典台式牛肉麵 (半筋半肉麵) $82我揀左紅燒味 (另可揀麻辣同辣番茄口味)。 牛腩大大塊，炆到好淋又入味，好食👍🏻牛筋幾彈牙，兩者比例剛剛好。湯底夠味，帶少許中藥的甘醇。麵底可選台灣陽春麵 或 台灣刀削麵，我揀左刀削麵，有質感，口感帶少少煙韌，幾鐘意。🍢炸物拼盤 $38有杏包菇、花枝丸 同 四季豆。 小食有鹽酥鹹香，卻唔會炸到太乾身。杏包茹外層酥香，內層保留水份，口感不錯。最鐘意花枝丸，墨魚香味好濃郁突出，口感彈牙，好好食😋🧋芋香珍珠奶茶 (跟餐 +$14) 一飲即刻諗起似細個食家庭裝芋頭雪糕嘅味道。味首偏甜，珍珠幾煙韌。🍑蒟蒻球白桃烏龍 (跟餐 +$12) 桃味幾香，茶底濃度適中。蒟蒻球爽口有咬口，口感有啲似啫喱，又有啲似啫喱糖。味道清新香甜💗———————————————————————————📍饞·台式食堂 (灣仔店)地址：灣仔廈門街31號地下@chan.taiwan.cuisine ——————————————————————————— 歡迎follow+like🌸 Instagram: yuen_yin68https://instagram.com/yuen_yin68?igshid=mgl3wgvbhyfm #饞台式食堂 #chantaiwancuisine #台式餐廳 #台灣美食 #taiwanesefood #鹽酥雞 #牛肉麵 #灣仔 #灣仔美食 #荃灣美食 #台式料理 #台式飲品 #香港餐廳 #香港美食 #食評 #相機食先 #食物拍攝 #吃貨 #吃貨人生 #美食日記 #美食推薦 #hkrestaurant #foodiehk #hkfoodie #hkfoodlover #lifestyleblogger #hklifestyleblogger #hklifestyle #foodphotography #hkfoodstagram
