係旺角搵野食，比依間 吃扒 @chiba.108 紫色💜門面吸引，有一種歐式優雅格調。 睇到餐牌好多樣都想試，特別係生酮餐單嘅款式都好吸引，不過今次我同朋友都想鋸扒，下次想試佢嘅椰菜花飯～我地揀左鐵板晚餐🥓，選擇主菜後加$25就可轉套餐，有餐湯、餐包、是日甜品同飲品，非常豐富。 ～～～～～～～～～～～～～～～～～～～～～ 🌟熱溶芝士紐西蘭牛柳 $188🌟🥩如果我用sexy💋嚟形容塊牛柳會唔會好浮誇？🤣 首先塊牛柳係超級厚身，以為會好難切，點知切落去係軟，兩下就切到。肉質綿密個種，入口慢慢化開🤤，外層烤得都幾焦下，不過又唔會好乾，好有焦香味(唔苦嘅)。 🧀半溶芝士唔係好滑身，反而有少許顆粒感，以為啲芝士一凍左就凝固哂，點知又唔會。芝士放耐左依然綿厚，芝味好濃郁。以為食兩啖好濟，點知我食哂呀！😋🥔我叫左薯菜，但上面加左熱溶芝士，薯條就唔脆，變相似食緊薯蓉😂如果介意嘅我覺得可以轉叫飯或者意粉。不過因為薯蓉同芝士味道好夾，我又食哂🤣蒜蓉汁：味道相對較鹹，蒜蓉香味突出但唔會太過。～～～～～～～～～～～～～～～～～～～～～🌟特選肉眼扒 $162🌟相對牛柳，肉眼扒較薄身。份量好足，塊扒好大片，鋪滿大半塊鐵板😍肉質結實，有口感但唔會難咬。烤到幾香幾夠火喉。 洋蔥汁：帶淡淡蕃茄味嘅甜味，整體較light。～～～～～～～～～～～～～～～～～～～～～🍹露絲瑪莉紅茶梳打 (跟餐特飲加$15)：冰涼清新，微甜紅茶梳打，唔太濃，透出露絲瑪莉 (Rosemary)嘅香草香味。 ☕️熱奶茶：幾濃郁帶苦味。🍫甜品：Brownie 布朗尼，甜左少少，一口份量啱啱好。 整體而言，每一個小細節，當我以為食開都係咁，又覺得佢比到驚喜我🫢❤️成餐我食得好enjoy! ———————————————————————————📍吃扒地址：旺角豉油街108地舖@chiba.108 ———————————————————————————歡迎follow+like🌸 Instagram: yuen_yin68https://instagram.com/yuen_yin68?igshid=mgl3wgvbhyfm #吃扒 #chiba #chibahk #旺角美食 #旺角 #旺角餐廳 #鋸扒 #扒房 #西餐 #西餐廳 #beeflover #hkeat #香港餐廳 #香港美食 #食評 #相機食先 #食物拍攝 #吃貨 #吃貨人生 #美食日記 #美食推薦 #hkrestaurant #foodiehk #hkfoodie #hkfoodlover #lifestyleblogger #hklifestyleblogger #hklifestyle #foodphotography #hkfoodstagram
