不久前慶祝了另一閨蜜生日🥳 (原來我都幾多好友係年底生日🤣)。今次閨蜜想食有酸忌廉版本嘅藍莓紐約芝士蛋糕🎂🫐。 加左酸忌㾾，芝士蛋糕酸味會更突出，相對都無咁濟膩。不過細細一盒酸忌㾾都要hkd$ 4x-5x，認真唔平 (睇下我依個閨蜜幾識食😌)。如果覺得貴或者本身唔好太酸，可以直接忽略酸忌㾾依項，其他材料份量不變。味道會更接近市面最易買到嘅紐約芝士蛋糕，一樣好食。一如既往整左個低糖版，面層自製健康藍莓醬，中層做紐約芝士蛋糕，再加餅底。以下係6吋蛋糕模具份量:⭐️餅底材料:餅底碎 80g (大約6塊消化餅)無鹽牛油 35g 先係蛋糕模具上放上牛油紙，將消化餅壓碎，加入已溶嘅無鹽牛油。攪拌後鋪平係蛋糕模，可用匙羹壓實，然後放入雪櫃冷藏固定。 ⭐️芝士蛋糕材料:忌廉芝士 280g糖 75g蛋 50g蛋黃 20g淡忌廉 100g酸忌廉 100g粟粉10g檸檬汁 8g雲呢拿香油 3.5g忌廉芝士先放室溫解凍，變軟身後才攪拌至滑身。加入糖、蛋和蛋黃攪拌。之後加入淡忌廉和酸忌廉攪拌。加入粟粉攪勻。加入檸檬汁香雪呢拿油攪勻。把蛋糕模具由雪櫃拎出，餅底應該已雪凍。把混合好的忌廉芝士漿過篩，並倒入有餅底的蛋糕模具內。把蛋糕模外層㡳部用錫紙包好，放到比它大的焗盤中隔熱水焗。放入焗爐170度，焗大約55分鐘。出爐待涼後可放雪櫃備用。這時可煮藍莓醬。 (圖中係一個6吋蛋糕模。) ⭐️藍莓醬材料:藍莓 大約一盒125g (大約100g煮，餘下一些做裝飾)糖 20g (低糖版，鐘意甜些可再加)檸檬汁 大約8g粟粉 適量 準備平底鑊，將大約100g 藍莓、糖和少量水一起煮。煮至藍莓軟身可稍為壓爛 (想保留有果肉口感，可不把藍莓壓太爛)。 把少許粟粉 (大約一茶匙)混合冷水，倒入藍莓汁中煮至成醬，起泡就可離火。把藍莓醬鋪在蛋糕面上，加上餘下的新鮮藍莓做裝飾。之後再整個蛋糕放入雪櫃冷凍後就可以食用。 歡迎follow+like🌸IG: yuen_yin68https://instagram.com/yuen_yin68?igshid=mgl3wgvbhyfm #自家製 #自家煮 #甜品 #甜品控 #煮食 #自己煮 #紐約芝士蛋糕 #芝士蛋糕 #藍莓芝士蛋糕 #自製果醬 #食譜 #foodie #hkfoodie #foodiehk #美食 #相機食先 #homemade #homemadefood #hkblogger #hkfoodblogger #foodblogger #foodlover #hkfoodlover #lifestyle #lifestyleblogger #hklifestyle #homecooked #dessert #homemadedessert #foodphotography
