閨蜜話生日想食有蘋果肉桂味嘅紐約芝士蛋糕，但市面真係好難搵到蘋果芝士蛋糕依個組合，既然係咁就親手整生日蛋糕俾佢啦😆❤️ 我整左個低糖版，面層蘋果肉桂，中層做較硬身的紐約芝士蛋糕，再加餅底。 以下係6吋蛋糕模具份量: ⭐️餅底材料: 餅底碎 80g (大約6塊消化餅) 無鹽牛油 35g 先係蛋糕模具上放上牛油紙，將消化餅壓碎，加入已溶嘅無鹽牛油。 攪拌後鋪平係蛋糕模，可用匙羹壓實，然後放入雪櫃冷藏固定。 ⭐️芝士蛋糕材料: 忌廉芝士 280g 糖 75g 蛋 50g 蛋黃 20g 淡忌廉 155g 粟粉10g 檸檬汁 8g 雲呢拿香油 3.5g 忌廉芝士先放室溫解凍，變軟身後才攪拌至滑身。 加入糖、蛋、蛋黃和淡忌廉攪拌。 加入粟粉攪勻。 加入檸檬汁香雪呢拿油攪勻。 把蛋糕模具由雪櫃拎出，餅底應該已雪凍。 把混合好的忌廉芝士漿過篩，並倒入有餅底的蛋糕模具內。 把蛋糕模外層㡳部用錫紙包好，放到比它大的焗盤中隔熱水焗。 放入焗爐170度，焗大約55分鐘。 出爐待涼後可放雪櫃備用。這時可煮肉桂蘋果。 (圖中係一個4吋加6吋蛋糕模，所用材料份量大約係食譜的1.5倍) ⭐️肉桂蘋果材料: 蘋果1-2個 糖 20g (低糖版，鐘意甜些可再加) 肉桂粉 適量 (視乎喜好調整份量) 粟粉 適量 將蘋果切片。 準備平底鑊，將糖加入少少量水煮熱，確保糖浸在水中，不用攪拌。 加熱到糖開始變少少啡色，加入蘋果片和肉桂粉，再加少許水煮至蘋果變軟身。 把少許粟粉 (大約一茶匙)混合冷水，倒入蘋果片中煮至收汁起泡就可離火。 待蘋果片稍涼後就可鋪在蛋糕面上做裝飾。 注意⚠️因為加左粟粉，蘋果完全冷卻會凝固，所以最好在蘋果片重有少許溫暖時做鋪面。 之後再整個蛋糕放入雪櫃冷凍後就可以食用。 歡迎follow+like🌸IG: yuen_yin68 https://instagram.com/yuen_yin68?igshid=mgl3wgvbhyfm #自家製 #自家煮 #甜品 #甜品控 #煮食 #自己煮 #紐約芝士蛋糕 #芝士蛋糕 #蘋果肉桂蛋糕 #肉桂蘋果 #foodie #hkfoodie #foodiehk #美食 #美食日記 #相機食先 #homemade #homemadefood #hkblogger #hkfoodblogger #foodblogger #foodlover #hkfoodlover #lifestyle #lifestyleblogger #hklifestyle #homecooked #dessert #homemadedessert #foodphotography
