啱啱過萬聖節🎃最開心嘅活動應該就係入迪士尼樂園😆🎠唔敢去halloween party,見到扮相暗黑或者血淋淋嘅鬼會勁驚,太細膽😵💫迪士尼嘅南瓜頭🎃🍂程度對我嚟講就啱啱好🤣🤣 今年主題橙紫配色都好靚🟠🟣 今年米奇米妮套衫幾好睇,南瓜頭個樣都好搞笑🤣 因為想食大街餐廳嘅afternoon tea set,所以上午一入園就即刻去餐廳拎籌,登記後會收到手機短訊顯示輪候號碼。下午茶時段真係好易full,一定要提早去餐廳拎籌。到下午三點就開始叫號碼入座,記得要準時到餐廳。號碼叫得好快,超過5個要重新登記輪候。當日10分鐘已叫左幾十個號碼,真係好易會過,最好準時企定定等。點擊圖片放大 有些可惜今年afternoon tea set無轉萬聖節主題,不過打卡依然靚~實物同menu相都差距不大。 一共6層非常豐富😍由下而上,鹹到甜次序嚟食。 每一層都介紹下先~ ~泰式味道~⭐️芝士蘑菇釀雞翼: 芝士味香濃,菇有咬口,好食。⭐️香炸脆網南瓜春卷: 清甜南瓜味,全個都係南瓜蓉,外層算脆。⭐️香炸蝦膠魷魚酥: 夠香脆,餡料多啲會更好。 ~日式味道~⭐️黑松露炒蛋蘆筍煙三文魚卷配粟米脆包: 煙三文魚味道濃郁,有少少蓋過其他食材嘅味。⭐️蒲燒鰻魚配蘑菇脆包: 鰻魚調味不錯,包唔脆有點濕。 ~中西合璧~⭐️飽魚蘑菇撻: 調味正常,中式炆飽魚味道,撻夠脆。⭐️牛小排配雞肉慕斯: 一口牛,有口感味道不錯。 ⭐️香橙泡芙及即烘鬆餅: 泡芙嘅香橙味唔會好假,幾特別幾清新。鬆餅正正常常。⭐️士多啤梨棉花糖夾心曲奇餅: 棉花糖夾心有少少硬,不太好咬,味道ok。 ⭐️馬卡龍及鮮雜果沙律: 馬卡龍一個似咖啡味,一個似紅莓/紅桑子味,唔太甜幾好食。食到依層已經濟濟地,食返啲水果refresh下。 ⭐️榛子朱古力撻: 朱古力味濃厚,撻又夠脆,味道有質感,好好味。⭐️紅桑子朱古力蛋糕: 我失策食左較濃味榛子個款之後先食佢,味道被蓋過咗,蛋糕偏濕潤。⭐️一共6粒朱古力,咬一啖就覺得好甜好膩,放棄左其餘幾粒😂 ⭐️暖心朱古力: Duffy係食用米紙,好可愛❤️熱朱古力甜左少少,味道可以。⭐️烏龍芒芒茶:CookieAnn都可愛~味道幾清新。Afternoon Tea Set整體份量同味道都不錯,影相又好睇,環境都坐得舒服☺️唔知嚟緊迪士尼會唔會出聖誕主題Tea Set呢~ 歡迎follow+like🌸IG: yuen_yin68https://instagram.com/yuen_yin68?igshid=mgl3wgvbhyfm#hkdisneyland #disneylandhongkong #disneyland #disney #香港迪士尼樂園 #迪士尼 #迪士尼樂園 #萬聖節 #halloween #disneyhalloween #disneyhome #disneyhalloweentime #halloween2021 #disneylove #foodie #foodiehk #hkfoodie #hkfoodlover #hkgirl #hongkonggirl #lifestyleblogger #hklifestyleblogger #hklifestyle #igfoodie #foodstagram #foodphotography #blogger #foodblogger #foodblogger