好耐無去馬灣，難得抽到時間比自己休息，就入左去行下放鬆下。今次試左依間叫RIVA灣Bar & Grill嘅餐廳，環境闊落，對住海景，可以好寫意咁享受成個下晝😎 @rivawanbarngrill 點擊圖片放大 ～食物介紹～ 烤羊架 $235 🍖職員建議7成熟，羊架嘅油脂味出哂，所以好香，一啲羊羶味都無。羊架無好多調味，單食會唔太夠味，要點旁邊嘅醬。醬汁香料味突出，帶少少酸味，中和左羊脂嘅油膩感。🍟薯條不太夠脆，但好夠薯味。🥗瓜菜爽口清新。地中海風味薄餅 (lunch set $90) 🍕材料有橄欖、羊奶芝士、芝士、洋蔥、青椒、紅椒和蕃茄。蔬菜多又無肉類，好健康嘅Pizza。Pizza皮薄又夠脆，有不少羊奶芝士。配搭青椒、紅椒及洋蔥，依啲帶天然辛辣味食材，味道平衡又清新。海鮮意粉 (可選番茄醬或奶油白醬) (lunch set $90) 🍝海鮮份量同種類都幾多，lunch set 價錢抵食。我揀左奶油白醬，醬汁份量剛好夠包住意粉，唔會太乾又唔會太膩，濃稠度控制得剛剛好。☕️Cafe Mocha (熱) 奶味較重，咖啡味唔太濃，不過不失。☕️Americano (凍) 咖啡偏苦，烤焦味突出，個人唔太鍾意依個味。整體環境舒服，食物有質素，飲品可再改善，入馬灣食嘢嘅話，依間餐廳都係唔錯嘅選擇。 RIVA 灣Bar & Grill地址： 馬灣珀麗路8號珀麗灣臨海廣場L1層1-3號舖歡迎follow+like🌸IG: yuen_yin68https://instagram.com/yuen_yin68?igshid=mgl3wgvbhyfm#Rivabarngrill #馬灣美食 #馬灣一日遊 #馬灣好去處 #寵物友善餐廳 #打卡 #馬灣 #香港美食 #香港好去處 #美食推薦 #美食日記 #食評 #吃貨 #海景 #海景餐廳 #香港餐廳 #慢活 #相機食先 #foodiehk #hkfoodie #hkfoodblog #hkfoodblogger #foodlover #hkfoodlover #hkfoodstagram #foodphotography #hkfoodguide #lifestyleblogger #lifestyle #hkgirl
