諗起以前邀請朋友嚟屋企，會自製一大壺Sangria (西班牙水果酒) 做招待，大家見到就會好興奮，即刻好有氣氛🍹😆好奇查下，原來Sangria係西班牙文有血嘅意思，而紅酒就象徵血🍷，傳統嘅Sangria多以紅酒做基底而得此名。 係西班牙旅行時，特意試左好幾間餐廳嘅Sangria，有偏甜的 (加左糖調味)，有偏酸的 (紅酒原因)，但總覺得差咁D。細問下，原來比起正唔正宗，對當地人嚟講，自製先係最好。我覺得差咁D個位，可能因為我自己整鐘意加入大量水果，酒精味唔會好濃，反而有濃郁嘅水果香，亦唔會加糖，保留天然嘅酸甜味。依種味道係出面飲唔到，所以想飲Sangria，(唔怕麻煩嘅話🤣)一定係按自己喜好調製最好飲😝分享下我嘅做法，勁簡單😆1. 先將水果切成小塊，水果種類好隨意，以柑橘類為主，我必定會加橙同蘋果，其他就會係桃、雪梨、士多啤梨、檸檬、藍莓依幾種入面揀。2. 揀支較輕盈嘅紅酒做基底，加入切好嘅水果，紅酒同水果比例我習慣 1:1 ，鐘意可以加少少烈酒，大約浸泡 2-3個鐘就會拎嚟飲。歡迎follow+like🌸IG: yuen_yin68https://instagram.com/yuen_yin68?igshid=mgl3wgvbhyfm#sangria #sangría #sangriawine #sangriatime #西班牙水果酒 #水果酒 #西班牙 #自製 #自家製 #打卡 #紅酒 #美食日記 #美食推介 #食物拍攝 #飲品 #homemadesangria #homemade #homemadedrink #homecooking #foodie #foodiehk #hkfoodie #hkfoodlover #hkgirl #foodphotography #blogger #hkfoodblogger #lifestyle #lifestyleblogger #partytime
