一直有留意依間Cafe 52的兔兔咖啡廳,睇相已經覺得環境同食物都好靚,今年生日決定同閨蜜去試下佢地嘅Afternoon Tea Set~☺️ 門口已有兔兔打卡位🐰 入到店內環境有少少田園風格🌿,非常舒服,室內光線都好明亮。粉色牆身繼續貫徹兔兔主題🐰 吧台嘅雲朵設計我覺得好有心思,幾特別☁️ 預約Afternoon Tea Set時,有提到想慶祝生日。到入座時,我同閨蜜都 嘩~~~左一大聲!店主為我地留左最靚最大嘅位置,重幫我地特別佈置得勁靚勁夢幻🐰🌸❤️簡直好似Alice's Adventures in Wonderland嘅下午茶場景咁,好有心思!😍😍 充滿好多可愛嘅兔兔擺設🐰 點擊圖片放大 Afternoon Tea Set Menu ,2人用tea set都係$258炸,除返開每人都唔使$150,超抵!(要提早預約啊~) 下午茶Set到~再次靚到嘩嘩~聲😍 比大家睇下打卡嘅感覺係咁😆📸 跟住介紹下每一層食物先~ ⭐️第一層 (最頂層) : 🥭🥧芒果沙沙撻: 撻皮好香脆鬆化,芒果夠甜,好好味。 🐟🥧吞拿魚沙律酥皮盒: 酥皮香脆,口感鬆軟,吞拿魚味突出。 🥓🥧巴馬火腿迷你酥皮盒: 鐘意佢唔會太鹹, 底層酥皮牛油味好香,醬酸酸地,有D似蛋黃醬。 🥓🥧沙美腸撻: 水果的清新平衡了肉的油膩,醬嘅迷迭香香味突出,幾特別。 ⭐️第二層 (中間) : 🥪迷你三文治: 有煙三文魚、火腿和青瓜,包有少少濕,芝士(似cream cheese)好香,整體味道清新。 🥯三文治曲奇: 椰絲味同曲奇味都幾平衡,咬落曲奇有少少鬆散。 🌮煙燻燒牛肉迷你竹炭包: 酸瓜嘅酸味配搭火腿本身嘅黑椒味,酸酸地又辣辣地,味覺上帶來少少刺激,幾惹味。包幾脆身。 🥐蛋沙律迷你牛角包: 沙律醬偏甜少少,牛角包嘅牛油味突出。 ⭐️第三層 (最底層) : 🍮伯爵茶奶凍: 伯爵茶味幾香,偏甜左少少,奶凍綿滑有奶香,幾易入口。 🥛豆腐芝士慕絲: 好creamy ,soft cheese質地,芝士味好濃郁,比較膩。 🍨木糠布甸: 正常味道, cream都幾香滑,甜度剛好。 🍫布朗尼蛋糕: 唔會過甜,幾多合桃,無咁濟,朱古力味都算突出,再軟身少少就更好。 我地揀左玫瑰花茶,淡淡花香味~ 餐具都一樣係少女感爆棚💐 ⭐️整體成個Tea Set性質比好高,絕對會再光臨,值得推薦👍🏻👍🏻👍🏻 提外話一下,店主真係超級nice!! 除左幫我地裝飾場地,重好熱心為我地介紹餐廳🥰今次我地重好幸運可以率先試到店主推薦,即將推出嘅蝶豆花新飲品,好有夏日feel,加上全部賣相都好靚,啱哂打卡😍📸 💜蝶豆花配搭荔枝乳酸 (左): 淡淡荔枝香味,乳酸甜甜地,好開胃~ 💜蝶豆花配搭紅桑莓玫瑰 (右): 少少紅桑莓酸甜味,食完甜品飲好解濟,夠哂清新。 重有一款係蝶豆花配搭青檸蜜糖,睇個名都覺得清新,下次有機會想試~ 依間Cafe有齊夢幻、少女感及田園風的元素~~全部都係我最鐘意既元素,真係好難抗拒😚💕 Cafe 52 元朗宏業南街22號虹方地下1號舖 歡迎follow+like🌸IG: yuen_yin68 https://instagram.com/yuen_yin68?igshid=mgl3wgvbhyfm #cafe52hk #cafe52 #cafe #cafehk #afternoonteahk #afternoontea #teatime #teatimecake #hightea #highteatime #highteahk #下午茶 #打卡 #美食推薦 #美食 #香港打卡 #香港好去處 #香港美食 #元朗 #元朗美食 #香港cafe #甜品 #食評 #foodiehk #hkfoodie #hkgirl #foodblogger #hkfoodblogger #dessert #lifestyleblogger