經過幾次元朗的Glasshouse都排大隊,今次終於試到。食物賣相都吸引,環境都坐得舒服,但味道就有少少失望,性價比唔算高😌 ⭐️和牛漢堡配黑松露蛋黃醬🍔 $148 一邊食一邊流哂肉汁出嚟,肉汁無鎖起肉入面,所以肉質變得好鞋身,易散,亦無咩牛肉香味。松露醬唔錯,但唔夠多。煙肉同芝士都好鹹,芝士成塊又乾又硬,麻麻地。 🍟薯條得表面有少少脆粉,入面都係濕身。整體唔太好食,失望😕 ⭐️龍蝦法包🌮 $138 沙律菜同龍蝦都夠爽口,凍凍地幾開胃。法包夠脆身。整體味道清新👍🏻 ⭐️椰香咖喱雞飯🍛 $138 有少少辣,香料調味夠香得嚟唔會過重手。主要係雞胸肉,咬落算嫩滑。幾欣賞咖喱唔會過濃,所以每樣材料既味道都出到👌🏻 ⭐️雲霧士多啤梨🍓 $52 見其他枱成杯都係粉紅色,我個杯好似特別多Cream🙈Cream味重,口感幾香滑,但士多啤梨味真係唔太突出,如果多D水果嘅酸甜味就更好😕⭐️迷迭香草莓茶🍹 $52 清新涼快,初初入口比較似檸檬茶。攪勻後,有多左果味,但士多啤梨味唔太特出,有少少迷迭香味。整體都好飲,但唔太值依個價錢😕Glasshouse: 元朗元龍街9號形點一期1樓1028-1029號舖歡迎follow+like🌸IG: yuen_yin68https://instagram.com/yuen_yin68?igshid=mgl3wgvbhyfm#glasshouse #glasshousehk #香港餐廳 #香港餐廳食評 #餐廳 #元朗 #元朗好去處 #元朗美食 #cafe #cafehk #中環 #尖沙咀 #太古 #美食 #美食日記 #美食推薦 #食評 #西式 #fusion菜 #fusionfood #burger #foodie #hkfoodie #foodiehk #blogger #hkblogger #foodphotography #foodlover #foodblogger #lifestyle