依間位於上環比較隱蔽街道的餐廳，我真心幾鐘意。由上環站行過去10分鐘到，到餐廳前要行一條上斜坡嘅路，行到就快盡頭就見到，過程有D攰😂 門口已經好有英式風格，由外牆到門牌設計同英國隨街見到嘅酒吧餐廳一模一樣。 一入到餐廳，即刻覺得自己好似去左英國咁🇬🇧，周圍都係打卡位。 每一個裝飾都好有心思～ 英國酒吧餐廳點會無酒？🤣所以餐廳都用唔同嘅酒樽來做裝飾。 餐枱有唔同風格明信片，無重複㗎😮👍🏻 餐廳人手唔多，所以點完食物都要預啲時間等下。跟住就介紹下食物先～ Garlic Prawn With Toast 🦐 話係前菜，但都幾大份。蝦好多，而且爽口又大粒，好正🤤👍🏻。白汁幾creamy，有少少蒜香味，幾好味，有少少鹹但送麵包味道就剛剛好。麵包焗得脆身，切成長身更易沾白汁。 Truffle Mushroom Risotto 🍲 一上枱就聞到香濃的黑松露味😍蘑菇份量都放得好足，同飯的比例近乎一比一。鐘意佢蘑菇切得比較大粒，好有口感。松露味道濃郁，加埋芝士同cream，每一啖的味道同口感都好豐富完滿。不過相對口味比較重，如果一個人食哂一碟都有少少膩。 Oldish Four Cheese Beef Burger 🍔 我最愛的Burger❤️ 第一眼見把刀插左係個包度嚇左下，心諗咁有殺氣嘅🤣🤣🤣食落每一啖都係享受，誠意之作～ 🥩Burger肉都算厚身，多肉汁。🧀好鐘意佢將其中一款芝士加熱變成脆身(一大圈個個)，好似食脆片咁，芝士味突出。講得係四重芝士，真係食得出幾種芝士的味道，加上芝士有半溶有脆身，無論味道定係口感都互相襯托，非常惹味，芝士控必試！🥯係提子包，拎嚟夾Burger都幾特別，會食到少少提子的甜味。🥗沙律用黑醋調味，調得好好味～🍟薯條脆身，厚切有口感，鐘意佢唔會好油。 整體環境有特色，坐得舒服，食物都好高質素，值得推薦👍🏻👍🏻 Oldish地址：上環東街53號地舖營業時間：星期一至六 12:00-22:00星期日 10:00-18:00歡迎follow+like🌸IG: yuen_yin68https://instagram.com/yuen_yin68?igshid=mgl3wgvbhyfm
