泰國人氣ChaTraMue 手標茶品牌，1945年開業，由老牌泰式茶發展成依家有名嘅手搖品牌。之前去泰國旅行無機會試到，知道佢係香港開左幾間分店，咁啱行開葵芳新都會廣場，一於買嚟試下～ 選擇都幾花多眼亂，樣樣都想試下。想吐嘈下menus比D燈擋住咗，睇得會有少少困難😂 見到玫瑰花系列嘅杯好靚，心動想試之前見到佢既溫馨提示，因為有“通便元素”，所以又叫瀉茶系列😂即刻笑左，好啦，下次再嘗試，我決定試左經典款先。 點完飲品可以再下佢既品牌同飲品介紹，都做得幾用心。 ⭐️正宗泰國奶茶 $30 + 班蘭碧綠珍珠 $6 本身比佢menus張相鮮橙色奶茶嚇親，但實物顏色其實無咁瑩光誇張，好在🤣頭幾啖有少少茶苦味，茶味幾濃，帶些香料味。慢慢飲，再飲多幾啖苦味少左，越嚟越好飲🤭👍🏻我本身唔鐘意太多冰，覺得冰溶哂會好淡味，但依款奶茶無依個問題。可能因為佢本身偏茶濃 (後來查返原來依個係阿薩姆茶種嘅特點)，所以當慢慢溶冰後，茶味依然好香濃，好鐘意❤️🥤相片都睇到珍珠係綠綠地色，少少煙韌，食到剛剛好嘅班蘭香味，幾特別，值得一試👍🏻 歡迎follow+like🌸IG: yuen_yin68https://instagram.com/yuen_yin68?igshid=mgl3wgvbhyfm
