工作忙左成日，經朋友大力推薦後，放工去左銅鑼灣店既天然豚骨拉麵專門店•一蘭。我一直無去過香港既一蘭，都期待試下同日本店有無分別。 見到門面已經覺得好有親切感，好似去緊日本旅行咁。 店面分了左右兩區，兩個入口，我都唔太明兩區既分別。淨係知有一區會開得夜D。 我同朋友放工時間過去，又唔洗等位就入到座。職員安排左我地坐左邊個區，後來先知就係早D關門個邊，右邊就可以坐夜D。不過其實本身都無預坐好耐，都無咩所謂。 入到去，嘩~左一聲。見到久違了既自閉位特別有親切感🤣🤣🤣由裝修設計到所有物件擺位都同日本一模一樣。 有依個自閉位，比自己可以放空下表情食野，感覺都幾好😂 價錢方面當然知道會貴過日本，不過以一碗拉麵價錢黎講，我覺得都係偏貴。 不過我最鐘意一蘭既位就係，所有配料份量、麵質、口味都可以自己選擇。我個人偏好口味揀濃味，麵質揀硬身，其他就跟佢推薦。 落單指示同日本一樣。寫完點餐紙按鈴，就有店員收紙同準備野食比你。落單好似5分鐘左右就有野食，可能咁啱唔算多客人，效率好快。 天然豚骨拉麵$95 + 抹茶生啤酒 $69 🍜就咁睇一碗份量唔算好多。第一啖試個湯，好香濃😍😍我覺得口味有調到符合香港市場多D。因為上次日本我去左一蘭原產地福岡試佢既拉麵，同樣我揀左濃味 (口感選擇同今次一模一樣)，湯底口感係比較厚身，都偏鹹D，油膩感亦都相對重D。但今次香港試既依碗麵，湯底香濃得黎，口感唔會過厚過油膩，調味剛剛好。就算飲多咗湯都唔會覺得太口渴。 麵質正常，同日本既分別唔大。麵份量唔算多，但夠飽。叉燒我覺得偏薄，爭咗少少口感，味道都唔突出，比濃湯蓋過咗。 🍺至於飲品，依杯抹茶生啤酒比到驚喜我。第一啖已飲到有打發左嘅抹茶味道，但依個抹茶味唔會過濃，好自然咁混合係生啤酒度。一方面飲到抹茶香味加少少口感，一方面又保留到生啤酒既味道，平衡度我覺得算幾高。不過飲到底會見有些抹茶粉未溶哂。 整體我幾滿意，感覺好自癒。特別係工作忙碌左一日，同朋友食碗拉麵🍜，傾下計，飲杯啤酒🍻，然後行出店個一刻，咁岩有陣風吹過黎，嘩~感覺超好🍃🍃覺得擔子都輕左唔少☺️🌼天然豚骨拉麵專門店一蘭 (銅鑼灣店)地址: 銅鑼灣謝斐道440號駱克大廈A座地下F-I舖歡迎follow+like🌸IG: yuen_yin68https://instagram.com/yuen_yin68?igshid=1iog2ao8dwf2q
