作為一個Burger控，一直好想試下茶聊既牛肉漢堡，不過一諗起要排隊又怕怕。去到門口已見到幾長既隊，好在咁岩吧枱有空位，吧枱比較近門口位置，我同好友都唔介意就超快入到座。如果要等餐廳入面既枱就要預多少少時間排隊啦🤔和牛漢堡配薯條 $158 🧀半溶芝士真係深得我心❤️芝士味濃厚，但唔會蓋過牛肉既味道，反而提高左整體既口感同層次🤤🥩牛肉漢堡好有口感，夠厚身，亦多肉汁，完全唔會乾。🥯幾欣賞佢個包比較特別，烤到有少少脆，但就比較大個，一啖咬唔哂，最後我決定要用刀叉切burger😂但都無影響整體既好味道。🥗配菜正常，沙律汁調味不錯。🍟薯條又脆又大份。上面有少少香料，加埋少少鹽，調味啱啱好，真係食到滿滿既誠意。 整體真係令我讚不絕口，對我依個Burger控 + 薯條控，有咩滿意得過牛肉夠厚夠多汁，薯條夠脆夠份量，岩哂我口味👍🏻👍🏻👍🏻不過真係超大一份，我一邊食一邊掙扎係“唔浪費得要食哂佢”同“好飽好飽超哂今日quota啦”之間🤣髒髒黑糖珍珠鮮奶 $44 🍫🥛 咁靚既賣相已經贏左一半~杯外圍鋪滿可可粉。面層有好多可可粉，但可可粉味道唔太明顯。第一啖飲到好香好creamy既牛奶，口感有D似奶蓋，應該加左厚身既cream。建議攪拌好面層既可可粉先飲，因為真係幾容易整污糟D衫，要飲得小心D。可能因為奶蓋層奶香味突出，相對黑糖味就無咁明顯。珍珠屬正常，有咬口，唔算難忘。整體口感濃厚香滑，如果可可味顯出多少少更好。 依杯飲完都係超飽肚，可以想像加埋上面提到既漢堡，根本唔使食晚飯 (我食午餐)。茶聊地址: 旺角砵蘭街189號1樓營業時間: 星期一至日 12:00-22:00歡迎follow+like🌸IG: https://instagram.com/yuen_yin68?igshid=1iog2ao8dwf2q
