早前同朋友去左香港黃金海岸酒店Staycation, 我地平日去，訂左最標準房間，唔包早餐，只係$600一晚。一般價錢都會超過$1000，所以都算十分抵住👍🏻值得同大家介紹下😆房間都算幾闊落，好多位擺行李同雜物。設施舊左少少，但都算整潔，都接受到。 我地幾好彩入住既房睇到海景，景觀都幾開陽，好夠光線。 一張大雙人床，非常寬落，目測應該瞓得落三個人。而且都舒服，床褥唔會太軟身。 廁所我覺得略嫌昏暗，同埋比較殘舊。酒店毛巾都比較舊，建議自己帶私家毛巾去比較衛生。全間房得一塊全身鏡，係廁所門度，如果照緊鏡同時有人要用廁所，會唔太方便。 酒店內設有幾多落地玻璃，除左比多d光線照入黎，都增加左空間感。幾令人放鬆，而且因為好近黃金海岸沙灘，好容易望到海邊，所以比人有一種渡假既休閒感覺。 近黃昏時既光線又有另一種味道。 酒店旁有公園大道，好適合散步打卡，記得要去行下啊~ 黃金海岸酒店旁邊有遊艇會，會見到好多遊艇停泊係岸旁。 沿散步小路行，一邊見到海岸同遊艇，另一邊有花園，非常悠閒寫意。 花園依一邊都一樣有好多打卡位。 注意必到既打卡位出現左啦😍春日簕杜鵑花隧道🌺🌹又靚又夢幻，好似去左旅行咁💕 我影相既時候比較隨意，無特別留意位置上唔係好多花，大家可以由另一邊影過黎，會更有被花包圍，置身於花隧道既感覺。 酒店有時都做緊住宿套餐優惠，有興趣大家都可以留意下。歡迎follow+like🌸IG: https://instagram.com/yuen_yin68?igshid=1iog2ao8dwf2q
