享受假期既最後一天，之後要繼續忙碌了🌸位於太子既Cafe小店Hami Harmony，設計好有歐式風格，店外一籃籃既花💐，已經好岩打卡。 點擊圖片放大 +2 店內掛有好多以花同植物做主題既畫🌻🌿光線照入店內非常明亮。睇得出店主係裝修設計上花左唔少心思。 點擊圖片放大 全枱既座位都一樣有花裝飾，貫徹主題。坐係其中好似身處歐洲田園小店咁，可以好放鬆同舒服咁食下野，同好友聚下。 除左環境舒服，食物質素都唔錯，有誠意。 流心芝士牛角英式早餐 🥐🥓🍳$98 最鐘意佢既流心芝士牛角包🤤 牛角包細細一隻，咬一口就食到入面creamy既芝士醬，好開心入面既芝士唔會因為放耐左而凝固。炒蛋上放左幾多黑松露醬，不過可惜黑松露既味道都係唔太食得出。 煙三文魚同腸仔都好食，腸仔幾爽口，食得出唔係好重脂肪同好油膩個種。香蕉上面既焦糖好脆，甜左少少，不過好似代表左甜品既部份，食得好滿足❤️ 香草白酒煮白蜆意粉🍝 $75 上碟時有些驚訝，因為白蜆換成左帶子，店員又無同我地講聲，不過好友都唔介意就無再問😂😂整體唔錯，意粉經蒜蓉炒到幾香，調味亦岩岩好。帶子都煮得ok。意粉內既配菜幾得好友歡心，瓜好脆口，增添左更多口感。 湯同飲品跟餐二選一，加$5就可以兩樣都要哂。 龍蝦湯🥣: 不過不失，幾易入口，偏稀身，味道唔錯。 熱咖啡☕️: 無加糖，苦左少少，本身無配奶，都算ok。 熱情果菠蘿梳打🍹(跟餐另加$19): 酸酸甜甜，幾岩夏天飲。 Hami Harmony 營業時間: 星期一至日 12:00-22:00 地址: 太子西洋菜北街161號地下A舖 歡迎follow+like🌸IG: https://instagram.com/yuen_yin68?igshid=1iog2ao8dwf2q
