補寫返之前去尖沙咀朗廷酒店Staycation的體驗~今次同屋企人入住係想慶祝爸爸生日。🎂🎈🎊之前睇過依間酒店既評價，都見好多人讚酒店員工好友善，check in時發覺佢地真係好有禮貌，同埋會好有耐性同你解釋。我預訂時有同酒店備註想慶祝爸爸生日🎉，想睇下辦唔辦到late check out，本身都無咩期望，諗住講左再算~Check in當日係星期六房間比較full，酒店最後安排唔到late check out比我地。但就好詳細介紹左個plan比我地，我地最後就比多HKD 110 (已包加一) 買佢地既package: upgrade房間加late check out到3pm💖酒店送左兩張免費無酒精飲品券比我地，指明要係酒店大堂旁邊既廷廊(Palm Court)換領。因為我地upgrade左房間，酒店要少少時間幫我地安排，我地就去左廷廊換領兩杯飲品坐下。 廷廊(Palm Court)☕️我地分別叫左熱朱古力同洋甘菊花茶，試下都無妨，但下次應該唔會專登比錢飲😂 熱朱古力(單價$78)，有些失望😕比較普通的味道，唔算好香濃，唔係香醇濃厚個種口感，反而會飲到一些顆粒渣，唔好太大期望都接受到既。 洋甘菊花茶 (單價$78)，幾有花香味，唔會苦，味道唔錯，但太多花茶渣啦！雖然有比隔茶渣器，但有好多幼細既碎花都隔唔到，可能洋甘菊比較碎，塞住左茶壺嘴，唔太容易倒到茶出黎。有少少狼狽😂 入房間個刻覺得好值得！因為真係比之前訂個間靚好多😍無諗過酒店好有心思咁怖置，重送左蛋糕🍰同公仔🧸比我地。 好有理由相信隻熊仔係送比壽星爸爸個囡(即係我🤣🤣)。 即刻拎個蛋糕影下相，變左好似我生日咁😂🍰蛋糕細細隻，熱情果味道，酸左少少。 房間用白色做基調，有壁爐做裝飾，加上梳發位都算闊落，營造到帶些摩登歐式風格既感覺✨ 梳發坐得好舒服，見爸媽坐左好耐係梳發度禁手機唔願郁😂 洗手間主要都係用大理石整，好乾淨明亮，除左水壓弱d之外，整體真係好滿意😆👍🏻 水吧台都一樣精緻。 入面既酒放得好靚，忍唔住影相😍 下面放左Tea Timer, 等你可以計埋最適合自己既泡茶時間，好細心。每樣野都有哂價目表，差少少我就買左佢返屋企🤣 夜晚我地帶左外賣係房間食，好滿足😋😋相片中既粟米魚塊未淋上粟米汁，淋左汁後我就即刻食左，唔記得影返lol 訂房package包左兩人早餐，想再加多個人，早餐一位$275。住房有8折優惠，再加一，另加既一位早餐就$247.5，都係有少少貴。早餐款式唔算多，普普通通，不過都算岩食，味道亦唔錯。點擊圖片放大 +2 整體真係幾滿意間酒店，好感度真心入到top 10💖無收錢宣傳，全部真金白銀自己比架🤣可能真係因為d職員好好態度又好服務，感覺真係幾良好。歡迎follow+like🌸IG: https://instagram.com/yuen_yin68?igshid=1iog2ao8dwf2q
