諗住4月連假前入一入迪士尼樂園玩，點知平日都勁多人🙈特別多帶小朋友入園既家庭，係幾有樂園氣氛。但見到經過既遊樂設施根本上都要排半個鐘以上🤯大家依排入園前都可以諗諗。全日既印象除左一直排隊排隊外，就係午餐真係幾好味，唔知係咪因為太肚餓😂推薦一下大冒險家餐廳 (⭐️最後附詳細餐牌)，係樂園入面我覺得其中一間最好食既餐廳。不過當日實在太多人，我地下午兩點幾去到門口都要排大隊，大約等左半個鐘，安排到位置入坐，然後再排隊買餐.....最後3點幾先食到飯😅 人參燉雞湯套餐👍🏻(另配泡菜) 唔係每次入園都有，而且供應有限，如果見到有，真係必點套餐❤️人參紅棗燉原隻雞，好足料，雞肉燉得好滑，並且好入味。人參同紅棗比例啱啱好，紅棗既甜味中和左人參本身既甘苦味，令個湯非常易入口，唔覺唔覺就飲哂成碗湯🤤唯一我覺得可以留意係白飯好大一碗，驚食唔哂可以叫少飯~ 印尼炒飯套餐👍🏻(配蝦，雞腿，雞蛋，沙嗲雞肉串燒，蝦片) 鐘意重口味就岩哂啦~ 個飯本身既香料配搭濃厚質感既沙嗲同椰奶，非常之惹味😋蝦🦐都幾大隻，幾彈牙。蝦片唔算好脆，但勝在夠蝦味😂雞腿🍗調味相對淡d，送比較濃既炒飯同沙嗲汁就岩岩好。串燒既雞肉有少少硬，但淋係上面既沙嗲汁好香濃，加足椰奶，真心回味。青瓜同蕃茄都係生既，所以我就默默將佢地放埋一邊啦😂 歡迎follow+like🌸IG: https://instagram.com/yuen_yin68?igshid=1lgll3789081l點擊圖片放大 +2
