終於試左珍煮丹!見到IG好多人介紹,一直都好想試😝結果真係幾鐘意,下次想試下佢既黑糖系列。 十份芋芋鮮奶 (左)好有驚喜😍選了三分甜,甜度剛剛好。第一感受係好足料,大半杯都係芋圓芋泥。個人好鐘意芋頭味,所以好鐘意佢既芋頭味咁香濃。混合牛奶後飲到有口感,但唔會過濃同膩,芋泥都好細滑,唔會飲到顆粒。小芋圓都唔錯,大小適中,又有咬口,個人覺得黃蕃薯圓個款既味最突出,特別食到蕃薯既甜味,其他款味道唔算好明顯。不經不覺就飲完成杯,比較飽肚。 蓋世不知春(右)這款係朋友揀既奶蓋茶,因為走冰,所以奶蓋會下沉得快些。聽朋友講都唔錯,茶味都算香濃,單獨食上層既奶蓋,會有些似乳酪咁酸酸地,但加埋茶飲又會係另一種風味。佢結論都係比較鐘意賞茶既奶蓋茶🤣歡迎follow+like🌸IG: https://instagram.com/yuen_yin68?igshid=1lgll3789081l