堂食加外賣，我應該幫襯左依間店7-8次，暫時應該係我最鍾意既其中一間甜品店。主打梳乎厘班戟同窩夫，另外亦有刨冰同一些日式熱食。炙燒焦糖布甸麻糬窩夫🧇🍮🍨依個係我最愛，我覺得係間店最好食既甜品。面層淋左自製既布甸醬，再加上用手槍炙燒成既焦糖。口感好豐富，有焦糖既焦脆，加好creamy既布甸同雪糕，雪糕好有奶香味，但唔會蓋過布甸，再加上窩夫中間的麻糬，煙煙韌韌。對我依個詞窮既吃貨，只能形容係幸福既味道🤤🤣 珍珠奶茶窩夫🧇🍨☕️🥛另一款覺得好好味既窩夫。窩夫上淋既cream同配既雪糕都係奶茶味，岩哂奶茶控。窩夫幾厚實，可能因為淋左cream，唔太脆，整體比麻糬窩夫偏甜少少。芋圓幾有芋香味，屬於有咬口的質感，我個人幾鐘意。如果堂食比既芋圓同紅豆會比較多些，外賣就比得四五粒芋圓。但整體都係大份量，一個人真係食唔哂。 凍藍蝶豆花玫瑰荔枝梳打🦋🌹🍹玫瑰、荔枝味都唔太明顯，可能因為我揀左少甜，但唔知點解就係對佢情有獨鍾。影相靚之餘，因為已點左兩款甜品，飲品清清地反而覺得無咁膩。每次都係跟套餐點，比單點抵好多。 試過佢其他野食，最心水都係上面兩款。對佢既梳乎厘一般般，可能因為食過比佢更好味既。熱食方面覺得炒麵最好食，其他熱食味道ok既，唔太特別。試過同時叫章魚燒、大阪燒、炒麵，覺得三款醬料食材都幾乎一樣，只係煮既步驟唔太同，味道食落差唔多😂😂好味既，但建議一次點一款好啦。 有料案內所營業時間：星期二至日12:00 - 01:30 (星期一休息)地址：屯門井財街15號金銘大廈地下3號舖歡迎follow同like🌸IG: https://instagram.com/yuen_yin68?igshid=uibeppxj59rx
