每次去首爾一定要食炒年糕同紫菜飯捲，今次搵到一間係大學路好出名的傳統年糕店，就係因為睇左Running Man知道佢地去左呢間年糕店，見到HAHA食得咁滋味，就已經Bookmark左呢間必去。由惠化站4號沿路行過去，大約10分鐘，沿路有唔少舖頭，例如:ART BOX、人生4格攝影店、PlainBrand眼鏡舖 (價錢不貴，即場配眼鏡大約2hrs就可以拎得)。 呢間年糕店多次被不同電視台及媒體採訪，男團HOT到訪過之後，更多人認識！店舖主食只有4種，炒年糕、糯米血腸、紫菜飯捲同埋魚糕，因為我地唔食血腸再加上有啲飽，所以淨係叫左炒年糕、紫菜飯捲同埋魚糕。 炒年糕年糕切成一口size，紅紅的醬汁看似好辣，但實際上微辣帶甜，年糕軟糯，完全唔會韌，越食越好味，就算當日好飽都可以完全清碟，依家打住字望到張相都好想再食返，應該係我暫時係韓國食過既TOP ONE！ 紫菜飯捲相對年糕，紫菜飯捲就比較普通，味道正常，沾上醬汁比較好味！ 魚糕非常濃郁既魚味，煙煙韌韌，非常好味！ NANUMI年糕店 나누미떡볶이地址:首爾特別市鐘路區成均館路9-1서울특별시 종로구 성균관로 9-1📺𝖸𝖮𝖴𝖳𝖴𝖡𝖤: 𝖸𝖨𝖭𝖦住食住行📘𝖥𝖠𝖢𝖤𝖡𝖮𝖮𝖪: 𝖸𝖨𝖭𝖦住食住行📰𝖨𝖦: 𝗒𝗂𝗇𝗀_𝖿𝗅𝗍#tteokbokki #惠化 #떡볶이#SEOUL #KOREAFOOD#서울 #YING_FLT #HKFOODIES #HKFOODBLOGGER #HKFOOD #FOODIES
