我終於都出現喇!呢排太忙,多數都係屋企煮飯食,無咩點去街,所以少左出現!依家終於得閒update下食況喇!最近就去左九龍灣啟業邨新開的食街! 舊式街市改裝為貨櫃外形,估唔到街市外牆都可以用黎做影相位! 食街位於啟業街市裡面,都唔難搵! 其實食店比我想像中少,只有7間,其中比較有特色係呢間「食好啲」,主要賣蒸腸粉! 點擊圖片放大 但呢度勝在有得坐又有冷氣,大熱天時都唔洗食到身水身汗! 我地首先去左呢間「家餸」,呢度係賣泰式食品,當晚8點幾去到都好多人買! 不同種類的泰式沙律!我地買左泰式鳳爪同埋生菜包! 泰式鳳爪 ($35):價錢同係泰國餐廳食差唔多,份量都夠,但味道方面個人覺得唔夠酸亦唔夠辣,如果可以更酸辣會惹味好多! 生菜包 ($35):無諗過掃街都可以食生菜包,肉碎炒得好入味,有少少香茅味道,包生菜好味! 另一間就揀左「勁之味」,有好多炸物又有懷舊粉仔! 點擊圖片放大 粉仔 ($17):呢度的粉仔有別於一般的粉仔,湯底似碗仔翅,有菜甫粒、冬菇絲同蝦米仔,食落去有好濃的麻油味,都唔錯! 迷你紫薯餅 ($14/5粒):呢個紫薯餅好有驚喜,外層炸得好脆,入面的紫薯唔會好甜,食落去唔會變左食甜品的感覺,而且都幾飽肚,$14有5粒都幾抵食! 我個人覺得唔算好多野食,有可能係我地太夜去,好多間食店都開始收舖,或者下次早少少去可以試更多的野食! 地址:九龍灣啓業道 18 號邨啓業商場地下 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle