個日去完上海街買廚具,行返去砵蘭街時經過呢間賣潮州魚蛋的「林昌記」,魚蛋癮起所以買左一兜咖哩魚蛋食!點知食左一粒已經覺得好好味!呢度的咖哩醬同其他地方有少少分別,因為佢多左沙嗲醬的味道亦唔會得辣味,而且潮州手打魚蛋好彈牙!越食越好味,結果忍唔住買多左一兜原味魚蛋,老閭仲叫我地先試一粒原味,然後再加佢地的秒製辣椒油,果然有無加辣椒油都係咁好味!佢地仲有生魚蛋賣,下次打邊爐可以過黎買佢地的生魚蛋返屋企食! 一兜魚蛋賣$20有16粒,係依家的香港真係唔算貴!而且物有所值! 原味魚蛋一樣咁好味!秘製辣椒油唔會好辣,更多添一份惹味! 「林昌記」 地址:旺角砵蘭街147–149號祥興樓地下, B1舖 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle