上次講到2月個陣快閃左去澳門1日睇RM,當日除左食左平民茶餐廳同碗仔翅外,仲去左新開少女味極濃的花花cafe!(【Ying住玩】快閃澳門為RM "Click me") 店舖非常大間,位於澳門氹仔的Galaxy,不過當日我地由東翼行去西翼,行左差不多15分鐘都真係幾遠! 門口有唔同種類的花束被客人購買! 仲有我好鍾意的繡球花! 餐廳另一邊係賣精品,例如有茶杯及cushion! 而另一邊係個開放式廚房,可以睇住師傅整蛋糕都係一件樂事! 點擊圖片放大 蛋糕種類非常之多,有選擇困難症的我真係唔知點揀好!本身想食chocolate loaf,但好似有少少普通,最後揀左玫瑰加洛神花撻,而妹妹揀左芝麻泡芙! 點擊圖片放大 仲有沙律、三文治等輕小食! 呢度有發酵茶飲都係出面比較小見,好似紅菜頭同青檸羅勒! 除左發酵茶外,有標榜100% Fresh Fruit的果汁! 餐廳內有展出自家設計的立體蛋糕,真係整得好靚! 點擊圖片放大 如果係店內飲完佢地的茶意猶未盡,仲可以買走添! 茶具套裝都好靚! 開餐喇! 玫瑰加洛神花撻 - 個4件圓碌碌的係焦糖餅黎架,入面夾左cream,好好味!但唔係太食到玫瑰花同埋洛神花的味道,但整體係好味既,食哂成個都唔覺得膩! Cream裡面仲有榛子醬! 妹妹的芝麻泡芙! 店內的花花韆鞦係好多人的影相位,好多少女爭住影架! 當日因為時間太緊逼,所以只係揀左蛋糕食,下次想再試埋下午茶set同埋佢地的主食! 「Cha Bei」 地址:路氹城「澳門銀河™」綜合渡假城1樓1047號舖 文章回顧: 【YING住行】家庭旅行出走澳門 "Click me" 【YING住行】澳門舊式茶餐廳 - 新英記 "Click me" 【YING住行】澳門行住食,行住買 "Click me" 【YING住行】澳門糖果天國「Sweet & Sticky」 "Click me" 「YING住食住行」已經開左係Facebook開左專頁喇! 歡迎大家入去比個like丫! www.facebook.com/yingyingstyle