每一年的新年旺角都好似有個潛規則，就係西洋菜街呢段路入夜後會有好熱鬧的夜市比大家去行下街，買下野，掃下街邊檔。雖然上年年初一發生過不愉快的事件，但今年的菜街一樣咁熱鬧咁有特色！ 今日我都有湊下熱鬧行下街！首先見到呢檔賣布袋及頭飾，覺得d頭框幾靚，於是行埋去望下，點知d頭框賣得好平而且仲要係人手製！我都忍唔到手買左一個頭框同埋一條橡筋！ 點擊圖片放大 買左民族風的頭框同埋大熱流蘇橡筋！ 今年菜街呢邊無飲品或者小食賣，應該係集中係朗豪坊個邊。而呢邊只有一檔係賣果汁！有3款口味：白提子+桃味、白提子+洛神花、紅提子+洛神花，而且仲要係無糖，正！我地買左白紅白提子+洛神花，一人一樽，飲落去味道都唔錯！ 點擊圖片放大 仲見到有個伯伯寫呢d賀年宇句寫得好靚添！ 除左上面介紹個d，我仲買左立體拼圖屋，我好鍾意玩呢d！而且都幾平，$50/3塊！ 砌左出黎就係咁架喇！非常易砌架！ 「Ying住食住行」已經係Facebook開左專頁喇！ 歡迎大家上去比個like丫！ Facebook：www.facebook.com/yingyingstyle
