之前都講過我每次去韓國都有個shopping list,mark低定邊d新野過到去要買。今次首先同大家分享化妝品以外買左既野! 今次我都係會買衣物香氣劑,但係去到搵左幾間olive young都搵唔到「Saffron Care」呢個牌子的clouds味道!所以最後揀左偏甜的cherry味道,其實味道都幾甜,噴左係身好似食緊糖咁,至於香味維持度只係一般,維持到一兩個小時,但因為味道較濃所以的確可以遮蓋到其他味道! 同樣都係香氣劑,但我買左「W.Dressroom」呢個牌子送比朋友,有150ml同埋70ml兩個size揀,我買左150ml比朋友。呢個係好清新的花香味道!下次我都要買一枝70ml係屋企看下門口! 3ce的Brush Cleaner - 化妝掃成日都會用到,出左成日街要補妝時你真係想像唔到塊瞼會有幾咁污糟,有時用肉眼睇又睇唔到,所以一有時間一定要清洗一下!我都係第一次用3ce呢隻Brush Cleaner,買佢個日咁岩做緊大特價,比平時買價錢平左一半!即係買黎試! Holika Holika X 蛋黃哥Hand Cream - 我唔算係蛋黃哥的fans,但見到呢套Hand Cream又真係好想買!而且價錢又唔係貴,只係7900 won(約$54),味道分別係布甸、雪葩同埋忌廉芝士,味道聞起上黎真係幾似! 去過韓國都一定有飲過呢款香蕉奶,今次呢枝唔係飲,係用黎沖涼架!呢款香蕉奶出左沐浴露同埋body lotion,當日係現場試聞已經覺得超香,於是我買左沐浴露,近期終於開封喇!一搽上香勁香,好似真係飲緊香蕉奶一樣!不過香氣只限你搽身個下,沖水後就無左陣味喇!佢仲有士多啤梨味,不過我覺得太甜,所以都係買返原味! 下次再同大家分享韓國瘋買化妝品! 文章回顧: 【YING住行】再去韓國買咩好? "Click me" Facebook:www.facebook.com/yingyingstyle 韓友營:http://koreaplaza.hk/blog2.php?uuid=5870945c5fa41