有幾耐風流...有咁耐...講緊的係有幾耐大魚大肉，有咁耐做運動。不嬲都話減肥係女人的終身事業，但自從同我老公拍左拖之後加上再結埋婚，呢句說話我已經唔知將佢沉到心底有幾深...雖然句說話已經拋諸腦後，但當每一次影相一定要左就右就，有時買左d衫又著唔落，幾唔想面對現實都終需面對。於是試過好多方法，10分鐘鄭多燕、3分鐘彊屍操...全部都維持一個星期度...然後又打回原形攤返係梳化睇電視。以上的步驟不停重覆，不停比籍口自己，但直到最近真係頂自己唔順....我終於肯的起心肝去搵專業的fitness公司「Fitness PAC」幫我認真咁控制一下自己的身型。Fitness PAC的Anthony幫我設計左一套為期4個星期的課程，每個星期2堂，每1堂都做足一個小時不同組合的運動，再加上自己的毅力去控制飲食。開頭我以為做一個小時的運動應該唔難，點知真係大錯特錯！我本身無做開運動，一個看似簡單的動作，原來當認真做起上黎，對於零運動的我係可以咁吃力！亦發現到我原來身體肌能可以差得咁緊要！每做完一組動作我都要抖一抖，好彩係Anthony夠耐性，對住我呢個老人家的身體唔會感到唔耐煩，仲會叫我慢慢抖順條氣先。至於飲食方面亦都要稍為改變一下習慣，晚餐戒掉我最心愛的澱粉質及糖，的確需要點時間適應！但當做完運動隔日肌肉有疼痛的感覺，立刻感覺到做運動的成果，算係更加激勵我的強心針！ 點擊圖片放大 呢個動作看似簡單，但做起上黎差不多半死.. Anthony示範下一組動作 之後會再keep住同大家報告我的修身成果，大家有興趣試試FitnessPac可以參考以下網址及FB！ Facebook: https://www.facebook.com/FitnessPac/ Website: http://www.fitnesspac.com/ 「YING住食住行」已經開左係Facebook開左專頁喇！ 歡迎大家入去比個like丫！ www.facebook.com/yingyingstyle
