個日去完one day tour，真係攰到無力氣搭車去第2個地方食晚飯，於是係明洞揀左一間食日式定食的餐廳「Don-Don Jung」開餐。之前有朋友話我聽佢睇過有個住係韓國的香港網友批評過明洞的餐廳好難食，韓國人絕對唔會係明洞食飯，質疑點解會有人介紹明洞的餐廳。但我係明洞食過幾間餐廳都覺得味道唔算好差，我明白有可能同一樣食物其他的地方會做得比較專所以會比較好食，但明洞某d餐廳真心做得唔差，亦一樣好多韓國人食。之前食過一間烤肉店，座位附近都係韓國人；亦發現街頭小食都好多韓國人買黎食！所以大家唔洗擔心揀係明洞食飯就一定係中伏或一定係唔識食！ 言歸正傳，講返「Don-Don Jung」呢間日式定食店，整間店舖都行日式裝修，有時食得多韓食都想試下其他口味！ 其實前後左右都係韓國人，所以證明韓國人都係會係明洞食野既^^ 呢個係燒牛肉定食，仲有附上炭爐比你自己燒，套餐有蛋卷、通心粉沙律、醃蘿蔔、明太子同埋麵豉湯。 將牛肉放係炭爐上，自己親手燒可以控制生熟度，仲可以増加趣味感！ 燒好左再加埋日式燒汁食，真係好好味！ 「Don-Don Jung」 地址：首爾中區明洞2街32-2 2樓 韓文地址:서울특별시 종구 명동2가 文章回顧： 【YING住行】江川鐵路單車Railbike "Click me" 【YING住行】南怡島賞楓葉 "Click me" 【YING住行】浪漫的法國村 "Click me" 【YING住行】明洞街頭新小食 "Click me" 「YING住食住行」已經開左係Facebook開左專頁喇！ 歡迎大家入去比個like丫！ www.facebook.com/yingyingstyle
