前幾日約左朋友食飯，佢話搵到個新地方，食物質素好而且裝修夠特別，就好似我地屋企咁好多古靈精怪野！既然佢講到咁吸引，一定要去試下呢間位於尖沙咀的「Candies Foodies」。 餐廳位置係樂道的大廈巷中，其實唔算好難搵！ 點擊圖片放大 餐廳用open kitchen，聽講好似話d廚師幾靚仔架喎！^^ 當晚係平日而且差唔多9點去到，都有唔少人食喎！ 仲有candy corner比你夾糖，雖然老闆唔介意你夾幾多，但大家都要克制下自己唔好夾咁多，如果唔係就食唔落之後的美食架喇！ 蟹肉牛油果塔．芒果汁 - 第一層係蟹肉，然後係牛油果，最底係蕃茄加紫洋蔥，上層的蟹肉好嫩滑而牛油果配芒果汁又夠特別，我平時唔多鍾意食牛油果，但咁樣的配搭又唔錯！ 意式鹽烤大紅蝦 - 蝦肉大大隻，最鍾意食燒蝦，但味道可以濃多少少！ 牛油果風乾蕃茄菠菜忌廉醬荷蘭薄餅 - 呢個荷蘭薄餅係老闆特登去外國學整，絕對係香港獨家，佢比我地食開的意大利薄餅薄好多，就好似班戟皮咁薄，而且食法係將薄餅捲到好似春捲咁一啖放落口食。雖然我地呢個薄餅無肉，但一d都唔會覺得齋！ 美國安格斯肉眼牛扒 - 牛扒煎得好嫩，食時點少少底碟的黑醋汁，意外地夾真係好正，最驚喜的係伴碟的紫薯蓉，薯仔再加入紫薯造成薯蓉，甜甜地好味！ 紐西蘭羊架 - 平時我好少食羊架，一來好怕佢陣羶味，二來食一件已經好膩！但反而呢個完全唔羶，亦無個種油膩感，食落都幾惹味！ 海鮮冬陰公天使麵 - 估唔到平時飲的冬陰公湯用黎汁做炒天使麵係咁好味！天使麵充斥住冬陰公味道，真係好正！ 日本原隻鮮蠔．蠔汁意式燴飯 - 呢個意大利飯有別於我地平時食開，佢加左新鮮蠔汁落去燴飯，每食一啖飯都有淡淡的蠔香味道！ 陽光 - 陽光係由青蘋果、菠蘿、士多啤梨、香橙及芒果5種生果製成，充滿果香。 Green Mile - 由青瓜、西芹、奇異果及青檸製成，絕對係健康之選！ 餐廳的環境好適合一大班朋友包場開party！ 好多地方都係影相位，老闆仲唔介意你周圍走周圍影！ 我最鍾意呢個修路牌！ 呢個機械人唔係一般的擺設，佢係一個餐盒黎架！兩隻手係餐具，個頭同個身係餐盒，而隻腳係水杯！連埋旁邊的鼎同筷子座都係老闆設計！ 要數最貼心的位置一定係廁所，就連告示都係其中一個老闆親手寫架！廁所入面都有聖誕樹，好warm呀！ 「Candies Foodies」 地址：尖沙咀樂道36-50號華源大廈1B-2B閣樓 「YING住食住行」已經開左係Facebook開左專頁喇！ 歡迎大家入去比個like丫！ www.facebook.com/yingyingstyle
