今次再去韓國酒店揀左係明洞，每一日最後的行程就係係明洞行夜街，除左行夜街之外，都發現左明洞有d新出的小食。今次我只係試左一兩款小食，因為每一晚都食到好飽。都係個句，影左當食左XD 大家有興趣可以睇返之前介紹的街頭小食： 【YING住行】首爾明洞街頭美食"Click me" 每一晚的明洞街頭都係人頭湧湧！ 呢個芝士燒龍蝦係新的小食檔，成個明洞起碼係3-4檔，應該係同一個老細。但係價錢都幾貴，一份要15000 won (大約港幣$100)。掙扎左幾晚又覺得一場黎度點都要試下既！ 檔主會先將龍蝦燒熟，龍蝦肉已經切左一舊舊，加入秘製醬汁。 然後再加芝士拎去韓式光波爐再焗溶表層的芝士，食落去真係好好味呀！ 呢檔又係新開的蟹肉pizza筒。 用Nutella朱古力榛子醬加埋香蕉做出黎甜品班戟 呢個係我每次去明洞都要食的韓國傳統小食，佢係將糖燒溶後再加泡打粉然後壓成一塊糖餅乾，食落去好脆身同埋有股焦糖味道！真係好好味！ 呢檔甜品檔勁多人排隊，佢係將窩夫夾餅夾住雪糕同埋忌廉！ 仲有Nutella口味！ 點擊圖片放大 我影相的時候終於散咁少少人 呢個石榴汁每次同行的人都會買黎飲，聽聞對女性子宮好好，但價錢唔算平，1包要6000 won (大約港幣$40) 呢檔雞蛋糕雖然唔會新開，但我之前食過一次覺得都幾好味，佢係蛋糕上面打隻雞蛋，名副其實的雞蛋糕。 明洞街頭每隔一段時間都會有d新的小食檔，如果大家有興趣食，建議掃街當一餐，如果唔係會好似我咁，飽到有得睇無得食！
