通常d朋友知道我住係旺角區，第1句多算會問：咁食野咪好方便？旺角係有好多食肆，但就係因為咁多反而約朋友食飯我都唔知去邊食好（好少出街食，多數煮飯），所以我通常都會叫返朋友提議食咩。呢排就食左朋友提議主打鮮雞件的湯米線 - 「農米莊」 食店位置好易搵，但舖面唔算大，而且得兩個店員，點菜、送餐、收錢一腳踢，所以點菜要耐少少先有人應。我地叫左黑蒜鮮雞湯米線、椰子鮮雞湯米線、酸辣鮮雞湯米線、尖椒皮蛋、泰式魚餅同埋黑金雞翼。 椰子鮮雞湯米線 - 一黎到已經有好香的椰子味，湯頭好滑。 黑蒜鮮雞湯米線 - 試左一啖湯超濃，黑蒜味唔算突出但仍然好好飲。 酸辣鮮雞湯米線 - 相比另外兩碗，酸辣湯比較普通，但雞件的確幾嫩滑，米線淥得剛好，唔會過惗。 尖椒皮蛋 - 呢個見到個賣相都知麻麻，食落去真係幾失望，皮蛋心好實，醬汁怪怪地，呢個唔合格。 泰式魚餅 - 魚餅好食，但唔算好特別！ 黑金雞翼 - 黑金其實係黑蒜，呢個幾好味，雞翼醃得好入味！ 「農米莊」 地址：旺角豉油街68號地下
