有無諗過唔係名人都可以打造一杯專屬於你的咖啡?只要黎到呢間「caFACE」就可以擁有一杯有你個樣的咖啡喇! 首先你係櫃台order你要的咖啡口味,如果唔飲咖啡的朋友都可以揀朱古力的飲品。有個職員係識得講廣東話架!比完錢之後就可以過隔離photo zone影相喇!photo zone裡面有布簾遮掩,夠哂私隱度!至於影相方面,如果影左一張唔滿意的話係可以重拍到滿意為止呢!當影好後就可以禁「√」確認,然後可以返返坐位等個提示號嚮喇!大約5 mins度就可以見到係你個樣的咖啡喇!雖然大家會因為佢有相片呢個賣點而order咖啡,但其實呢度的咖啡都唔錯,我點左Caramel Macchiato,好香甜又夠滑,的確唔錯架! 「caFACE」 地址:首爾特別市麻浦區西橋洞358-51 韓文地址:서울특별시 마포구 서교동 358-51