好多時為左盡情血拼,會寧願減少食正餐的時間,好多時會自動揀左係cafe食一餐輕食就算。雖然女人的購物戰鬥力係無窮,但始終有攰的一刻需要休息,正所謂“休息是為了走更遠的話”,以下介紹呢間「ZOO COFFEE」可以比你盡情休息放鬆一下之外,仲可以令你彷似身於非洲的大草原一樣。 以動物做主題的「ZOO COFFEE」門口已經擺放左兩隻人咁高的長頸鹿的公仔。 點擊圖片放大 每一個角落都擺放左唔少動物公仔,坐係裡面可以比長頸鹿,獅子公仔包圍。 連咖啡杯都係班馬花紋,真係想帶埋返黎香港。 我地叫左個多士盒食,個醬汁真係好好味,係有少少芥辣味同香草的蛋黃醬,醬汁底下仲有煙肉,夠哂飽肚。 熱狗就好普通,唔特別介紹了! 我拎呢個橙冰時真係嚇左一嚇,估唔到係超大碗,高度足有2包半紙巾咁高,但我本身麻麻地鍾意食冰而且覺得太酸,所以唔太推介。 「ZOO COFFEE」好多熱門地方都有,例如弘大、明洞、東大門。大家行街行到攰可以去坐下!