之前去首爾比我地搵到間食部隊鍋的好店,就係「崔大叔部隊鍋」喇!呢間舖頭都好多香港人食,所以店舖有準備中文的餐牌。我地之前係去東大門分店,但原來最近已經執左。但好彩明洞仲有一間分店。 我地叫左3人餐,包括有部隊鍋、一塊燒牛肉、拉麵同埋白飯。價錢相當抵,只需$34000 won,3個人食岩岩好。呢度的部隊鍋,味道唔會好辣,湯底亦好濃郁,最岩我地呢d又唔食得辣又重口味的人架喇! 呢度的配菜有我好鍾意食的醃魚糕! 我覺得部隊鍋的精粹應該係拉麵,韓國的即食麵即係拉麵亦因為比較煙韌,食到咁上下放個拉麵落鍋內,拉麵索哂d湯汁真係好好味! 當中更加要讚的係佢塊燒牛肉,真係燒得好入味!用黎送飯食極度好味! 「崔大叔部隊鍋」 地址: 首爾明洞中區2街 54-32 2/3樓 韓文地址:서울 중구 명동2가 54-32 2,3층