之前去到韓國第一餐食的係年糕鍋,我揀左呢間位於明洞的「Crazy DDUK」,位置係樓上舖,有少少難搵,好容易會錯過左門口。 食店面積唔大,但個日去到幸好未到食飯時間,所以仲有大量坐位,仲可以坐到窗口卡位。 點擊圖片放大 我地叫左個海鮮年糕鍋加芝士炒飯,因為唔食得辣,所以已經叫 -1 的辣度。海鮮年糕鍋樣貌相當好,當然要相機食先喇!海鮮年糕鍋材料都好豐富,包括:辣章魚、蝦、青口、魚腐、烏冬麵同埋年糕。店員見我地影完相就將湯汁倒入鍋內。飲左第一啖湯,感覺係好辣!辣味應該係來自辣章魚,雖然好辣但又好惹味!話明年糕鍋,主角當然係年糕喇,鍋內有幾款唔同種類的年糕,有平時食開的長條形、啞鈴形狀同埋扁平一塊的形狀。 最後食到差唔到尾,我地叫店員上埋芝士炒飯,店員示意留返少少湯用黎加入炒飯裡面炒。湯汁加埋炒飯真係超級好味! 睇下d芝士!!! 「Crazy DDUK」 地址:首爾中區明洞2街 31-5 2樓 韓文地址:서울 중구 명동2가31-5 2F