上篇講到我去到首爾必買10大化妝品的其中5樣,今篇繼續介紹另外5樣喇!除左化妝品之外仲有日用品可以係超市/藥房買到。 6. Etude House - Drawing Snow眼線筆 Etude House呢枝眼線筆相當好用,筆頭夠幼而且畫落去唔會有好實色的感覺。價錢又平,所以每次我都會掃返幾枝。 7. Innisfree - Jeju sparkling mineral skin 爽膚水 Innisfree不嬲都好受歡迎。但其實我一次都無用過,咁岩有次幫朋友買開Hand mask,Sales送左d sample,當晚即刻係酒店開黎用,用完發現真係好滋潤,於是即刻買返枝爽膚水返香港用。而且Innisfree好多時都會做優惠,好彩的話可以以非常抵的價錢買。 8. Mise en Scene 護髮gel 估唔到我會去到韓國都買Hair gel,其實本身係想買髮尾油,但個sales比我試用Hair gel,的確試用完後我把雜草變返有波紋鬈髮。所以我又忍唔住買左。 9. Mise en Scene 髮尾油 就係為左買呢枝髮尾油所以買埋Hair gel,之前已經想買枝髮尾油,網上見人極力推介,所以買黎試下,都幾好用,可以滋潤髮尾比較粗糙的受損頭髮。 10. 鎮痛貼 話說有次係韓國拉傷左個肩膊,當時行程仲有兩日,為由周圍搵鎮痛貼諗住頂住先,但搵左好多間7-11都無,好唔容易終於係弘大藥房買到呢隻鎮痛貼,痴左半個鐘發現個痛楚都減輕左,所以之後兩日都痴住佢繼續行程。呢款鎮痛貼有冷熱分,我呢款係熱貼。 【YING住買】韓國十大我最喜愛化妝品 (上)