講到近期弘大好Hit的食店,呢間專食芝士燒《MADE BY O:Z》一定會入十大喇! 呢間食店有好多傳媒介紹,位置就係弘大自由公園對面的樓上舖,都好容易搵到。當日我5點多去到幸好排第一,但餐廳裡面已經有好多客人食緊,好彩當日決定早d去食,因為之後已經多人到條隊排到出樓梯。 門有長櫈比你坐住等,侍應亦會係你等位期間問定你選擇邊款套餐。 套餐包括:2人set 23,800 won / 3人set 32,700 won / 4人set 39,600 won 1) 八爪魚+辣醬炒牛肉鍋 / 2) 魷魚+辣醬炒牛肉鍋 / 3) 雞肉+辣醬炒牛肉鍋 配芝士盤 而且可以選擇1/2/3級辣度,我唔食得辣,所以揀左1級。 客人大部分都係韓妹。 芝士盤有10片不同種類的芝士:Mozzarella、Pepper Jack、Monterey Jack、Colby Jack、Cheddar 我地揀左魷魚+辣醬炒牛肉鍋,除左有魷魚同炒牛肉外,底部仲有年糕,而個盤周圍會有唔同的配菜比你加埋芝士一齊食。其實個鍋本身個醬汁都幾辣,我地只係叫左1級辣,已經辣到要叫飲品解辣。但加埋芝士同配菜一齊食係相當美味。 而且每個客人都會有個細煎pan比你用熱溶芝士。 大家可以發揮你的創意加任何配菜夾埋芝士一齊食! MADE BY O:Z 地址: 首爾麻浦區西橋洞358-36 二樓 韓文地址:서울특별시 마포구 서교동 358-36 2층