雖然話係秋遊, 不過依然覺得熱, 朝早係涼, 到下午對於我黎講其實仍然夏天Feel ,流晒大汗 . 十一月啦!!到底幾時先真係秋天, 幾時先可以20度以下? 等到就快到下次夏天都黎 雖然係咁, 但都要去郊外遊一遊! --------------------------------- 今次又係三人行, 就住係上水既朋友~ 去鹿頸+谷埔 首先到粉嶺火車站, C出口出, 會見到小巴站 搭56K往鹿頸既小巴 車程大約半個鐘就到 一落車就會見到有士多, 朋友未食野, 所以係度醫飽肚先! 我食左野, 所以叫左豆腐花就算啦, 總覺得去郊遊要配上食碗豆腐花 兩個朋友就叫左哩款 美式早餐 哩間士多既老闆娘好Nice~ 好吹得, 又係咁叮囑一定要早三個字黎等小巴, 唔好太夜, 好有媽媽既感覺 仲比左張地圖我地! ------------------------------ 開始行啦, 沿住新娘潭路入, 基本上一路沿住沙頭角海行就岩 望到深圳沙頭角 路既另一邊係鄉村style 一路行, 好寧靜, 無其他人 見到牛牛, 好nice讓我地影完相先行 點擊圖片放大 一路上會見到紅樹林 黎到哩度, 向右邊行係家樂徑, 左邊往谷埔 要行少量樓梯 , 上到去有涼亭休息, 但我地繼續行啦 點擊圖片放大 +4 又有一間士多可以補給 好曬呀~~ 行入去有個應該係廢棄村落 點擊圖片放大 +3 望住一堆綠油油好舒服 點擊圖片放大 繼續行, 見到一小小的燈塔, 影相位:p 附近有人坐係度野餐好寫意 係度瘋狂影左好多相, 再坐低吹下海風先繼續行 ----- 有個"海中島" 點擊圖片放大 賞下山又賞下花, 我地應該係生態團黎 點擊圖片放大 +2 唔知食唔食得? 又見牛牛~~ 點擊圖片放大 行到黎哩度, 真係唔小心要講 哇..哩度好靚喎 其實香港真係好靚 如果對面唔係建築物, 而係海景, 真係不得了 點擊圖片放大 +4 繼續行又有士多 點擊圖片放大 +2 係度忍唔住影左好多相 點擊圖片放大 +4 廢棄學校?? 但又見有人係度翻新緊~ 點擊圖片放大 +2 繼續向前行可行去荔枝窩 但我地唔會行啦~ 往士多方向行, 去谷埔村 好靚*v* 覺得有茶是故鄉濃D FEEL 點擊圖片放大 +3 蘆葦草 點擊圖片放大 +4 一路行, 其實都已經行緊返轉頭啦~ 點擊圖片放大 +2 原路行返鹿頸~ 下午三點幾太陽曬落海水閃閃發光咁好靚 黎到哩度要坐下先, 好熱流晒汗啦~~~ ------------------------------------------ 簡單半日遊完成, 行左大約四個鐘 (來回) 計埋瘋狂影相:p 一路上都好容易行, 幾乎全平路 , 只需要上落一次樓梯 好岩一家大細, 朋友, 情侶黎 更加岩一眾女神黎影女神相 係城市咁急促, 放假如果再留係市區又係迫到癲癲地, 所以係需要去郊外呼吸一下 新界東北其實真係好地方, 屬於香港人既"後花園 但政府就成日打佢主意.. 話要發展住宅同商業用地, 實際原因呢..大家都懂的! 唔好成日話人乜都反對啦 真唔希望見到哩D地方發展成商業既地方, 有D野係要保留架! 突然有點離題TIM.. 不過啦, 都希望去郊遊人士注意返, 自己帶走垃圾, 因為一路行有時都見到垃圾隨地都係:( 快D涼啦快D涼啦><~~~暫時未有得去旅行既人表示要繼續係香港旅行 ----------------------------------------------------