大汗人士表示..終於捱過左熱辣辣既夏天啦:( (雖然都仲有D熱) 夏天已經想攬住個冷氣唔郁 秋風起~ 就當然要出去行下! 唔再留係室內啦 都係個句啦, 香港仍有好多地方未去過, 即使係屋企附近.. 對上一次去郊野公園仲要好似已經係中學雞學校旅行時.... --------------------------------------- 約左兩個朋友, 近近地係我地住既地方-屯門作BB級既行山 起點係屯門何福堂 , 由何福堂輕鐵站, 行去中華基督教會何福堂書院, 旁邊就有路上~ *會見到麥理浩徑十段既牌 開始行~GOGOGO 一路跟住地下標示就OK~ 非常容易行 點擊圖片放大 然後比較辛苦既階後黎啦, 瘋狂上樓梯~不過其實都唔係好多級姐, 當作熱身 上完樓梯就會黎到 麥理浩徑同屯門徑既交匯點~ 向左走定向右定? 如果往屯門徑行, 好似係可以上到九徑山山頂~ (屯門青山對面個座山) 聽說有成千級樓梯, 滴汗.. 下次先去啦XD 於是我地就往麥理浩徑方向行 會見到歡迎進入大欖郊野公園 由哩一刻開始, 就可以好舒服咁行啦~ 因為一路都係平路! 開心跳起Yeah~ 仲可以望到屯門市~ 雖然唔係好高, 但屯門市配上青山, 都係一幅好靚既構圖 唔知幾時可以挑戰難行既青山呢 一路都係哩D平路, 而且間唔中就有涼亭可以休息 仲瘋狂見到哩四隻字tim a_a.. 行行下, 有個位可以退出, 不過我地繼續行, 目的地係黃金海岸 點擊圖片放大 +2 有燒烤場, 不過要自己帶野食行上黎, 仲要附近冇地方拎水, 冇洗手間.. 我就唔會上黎燒啦! 由於哩條路亦叫"屯門健身徑", 所以一路上其實都有唔同設施比人健下身, 好岩晨運呀 比人跳高~ 但我地拎黎度高:P 朋友話右上張圖好不雅喎~~ 嗯..望左一陣先明,HAHA 好純情架嘛! 路邊小花~~ 又見燒烤場+涼亭 點擊圖片放大 一路上都唔見其他人, 哩度終於有 點擊圖片放大 +6 哩張影得好淒涼... 又見到了..... 一路行, 向山上面望, 有好多唔同形態石, 係度同朋友發揮FF, 幫唔同石改名都係樂趣黎:P 反正呀SIR都話過, 好多時D石係D人覺得似某樣野, 幫佢地改個名擺上網, 之後就成為景點架啦~HAHA 哩個好似個人樣, 有少少綠葉係眼睫毛位, 同埋個鼻突左一堆毛出黎咁 叫佢長鼻毛石 開始行到尾聲, 見到哈羅國際學校, 好靚好大呀 遠望屯門公路 見到哩個分叉位, 代表就到啦 向左行, 就繼續往黃泥墩水塘, 行哩條路仲好似可以去睇大欖涌水塘千島湖! 向右行就落掃管芴 ,黃金海岸 我地今次以黃金海岸做終點所以行右啦~ 同埋都餓啦:P 叫個FD行開唔好阻住我影但佢唔理我 點擊圖片放大 +2 落到黎啦! 會見到麥理浩徑牌, 由哩度開始行又得姐~ 點擊圖片放大 到了 好熱, 流到成身臭汗, 又餓, 去食野 入左間食Kebab既 叫左雞肉Kebab, 好味, 又夠大份~ 不過成60幾蚊連野飲~ 食完再行下就返歸啦!! -------------------------------------- 哩段路超級容易行, 岩晒一家大細,朋友黎hea行下 同朋友一路行一路發下癲又影相所以慢D, 行左三個鐘啦 不過都足以流到一身大汗~ 因為而家下午都仍然幾熱 中途冇得補給, 所以都要帶多D水~ 香港以山地為主, 成日聽人講D外國人好鍾意黎香港行山, 其實都係, 又近市中心, 係鬧市附近都會有座山, 突然想靜下就可以起行去行:) 而且風景通常都不錯 不過要睇再靚D既風景, 都係夏天行最好, 不過我係"廢青" ,捱唔到熱 所以襯秋天要去多D, 期待下次:)
