21/9 去完四天王寺後, 就出發出 "日本最長商店街 - 天神橋筋商店街" 由一丁目到七丁目全長2.6公里, 總共有600幾間商店 搭車到天神橋筋六丁目落車, 就開始行啦! 商店街內其實應有盡有 藥妝店、文具店、食店、雜貨店、書店等等 不過Style就平民D, 似係比當地人行多D既 慢慢行都會尋到寶, 但如果好鍾意買衫褲鞋既哩度就唔多適合啦! ------------------------------------------ 由於21/9~23/9都係日本既公眾假期 , 所以郵局唔開呀!!! 但我到哩日先醒起自己要買郵票, 唯有去便利店買 雞同鴨講再加Google Translate之下花左10分鐘先成功買到所需郵票! 真係多謝店員既耐性呀 ... 因為仍然覺得好熱流晒汗既關係, 唔理啦, 想搵間CAFE食個冰涼野先 係哩間門口見到, 好似都幾岩食就衝入去 叫左個宇冶金時 (去宇冶個時又唔食....) 好味, 好大份, 即刻冰涼返! 食完坐低繼續休息, 順便寫Postcard 休息夠又繼續行, 一路上都冇特別影相 佢家下綠色頂~~ 又變左做藍色頂~~ 又變左做紅色頂~~ 行到去天神橋1、2既時候幾乎已經冇野睇, 唔知點解冇野開成條街靜英英~ 由於我住既地方其實都近, 所以又行返轉頭.. 由天神橋6行到1再行返去5, 宣佈投降啦!!! 不過都幾好行既! 買左份小丸子先返民宿, 一般好味啦~~ 7:00返到民宿 --------------------------------------- 返民宿沖完涼抖到成夜晚九點, 先覺得肚餓決定出街搵野食~ 出去既時候見到對母女, 大家點頭打左個招呼, 然後聽到佢地講廣東話喎!! 即刻華麗轉身~ 問佢地係咪香港人? 原來唔係, 係馬來西亞人! 不過大家都可以講廣東話勁親切~ 企係門口傾左幾耐下, 傾下大家去左邊玩都有排講 傾左半個鐘度啦~ 我真係諗住出去啦, 一開門又見隔離房兩位"Jesus" 西班牙人~ 又企係門口傾, 哈哈 最後我成9:50先真係出到去.... ------------------------ 來回民宿都經常會經過哩間拉面店, 睇落幾正咁, 就食佢啦!! 點擊圖片放大 食落就一般~正正常常啦, 不過湯底幾好味, 濃而不咸 店員係咁叫我要落哩個疑似酸辣芽菜既物體, 又幾好食喎 食飽返歸 -------------------- ~DAY 7 完 ~
